ଆଇପିଏଲର ଆଗାମୀ ସଂସ୍କରଣ ପାଇଁ ସମସ୍ତ ୧୦ଟି ଟିମର ଫୁଲ ରିଟେନସନ ଲିଷ୍ଟ ନଭେମ୍ବର ୧୫ରେ ଜାରି ହେବ । ତେବେ ଏଠାରେ ୫ ଜଣ ଖେଳାଳିଙ୍କ ନାମ ସାମ୍ନାକୁ ଆସୁଛି । ଏମାନଙ୍କୁ ଫ୍ରାଞ୍ଚାଇଜୀ କେବେ ବି ରଲିଜ୍ କରିନାହିଁ । ଆସନ୍ତା ଡିସେମ୍ବରରେ ଆଇପିଏଲ ୨୦୨୬ ପାଇଁ ମିନି ଅକ୍ସନ ହେବାକୁ ଥିବାବେଳେ ତା’ ପୂର୍ବରୁ ସବୁ ଟିମ୍ ନିଜର ରିଟେନ ଖେଳାଳଙ୍କ ଲିଷ୍ଟ ଜାରି କରିବେ ।
ସଚିନ ତେନ୍ଦୁଲକର: କ୍ରିକେଟର ଭଗବାନ ସଚିନ ତେନ୍ଦୁଲକର ୨୦୦୮ରୁ ୨୦୧୩ ପର୍ଯ୍ୟନ୍ତ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଥିଲେ । ମୁମ୍ବାଇ ସଚିନଙ୍କୁ କେବେ ବି ରିଲିଜ କରିନାହିଁ । ପରେ ସଚିନ ଏହି ଟିମର ମେଣ୍ଟର ହୋଇଥିଲେ ।
ବିରାଟ କୋହଲି: ଦ୍ବିତୀୟ ନମ୍ବରରେ ରହିଛନ୍ତି ବିରାଟ କୋହଲି । ୨୦୦୮ରୁ ବିରାଟ ରୟାଲ ଚାଲେଞ୍ଜର୍ସ ବେଙ୍ଗଲୁରୁ ପାଇଁ ଖେଳୁଛନ୍ତି । କିଛି ବର୍ଷ ସେ ଦଳର କମାଣ ମଧ୍ୟ ସମ୍ଭାଳିଛନ୍ତି । ୧୮ ବର୍ଷ ପରେ ମଧ୍ୟ ଆରସିବି ବିରାଟଙ୍କୁ ରିଲିଜ କରିନାହିଁ ।
ମହେନ୍ଦ୍ର ସିଂହ ଧୋନୀ ଚେନ୍ନାଇ ସୁପର କିଙ୍ଗସ କେବେ ବି ମହେନ୍ଦ୍ର ସିଂହ ଧୋନୀଙ୍କୁ ରିଲିଜ କରିନାହିଁ । ଏହି ଟିମକୁ ଧୋନୀ ୫ ଥର ଚାମ୍ପିୟନ କରାଇଛନ୍ତି ।
ସୁନୀଲ ନରେନ: ଓ୍ବେଷ୍ଟଇଣ୍ଡିଜର ସ୍ପିନର ସୁନୀଲ ନରେନ୨୦୧୨ରେ ଆଇପିଏଲରେ ଡେବ୍ୟୁ କରିଥିଲେ । ସେ ୨୦୧୨ରେ କୋଲକତା ସହ ଯୋଡ଼ି ହୋଇଥିଲେ ଓ ଆଜି ବି ଅଛନ୍ତି ।
ଶେନ ଓ୍ବର୍ଣ୍ଣ: ଆଇପିଏଲର ପ୍ରଥମ ଚାମ୍ପିୟନ ହୋଇଥିବା ଶେନ ଓ୍ବର୍ଣ୍ଣ ଆଜି ଆମ ଗହଣରେ ନାହାନ୍ତି । ସେ ୨୦୦୮ରୁ ୨୦୧୧ ପର୍ଯ୍ୟନ୍ତ ଖଳିଥିଲେ । ତାଙ୍କୁ ଫ୍ରାଞ୍ଚାଇଜୀ କେବେ ବି ରିଲିଜ କରିନାହିଁ ।
