ନାବାଳିକା ଭଉଣୀଙ୍କୁ ଦୁଷ୍କର୍ମ ଅଭିଯୋଗରେ ବଡ଼ବାପା ପୁଅ ଭାଇ ଗିରଫ । ଛେଣ୍ଡିପଦା ଥାନା ଅଞ୍ଚଳରେ ଘଟିଥିଲା ଏହି ଲଜ୍ଜା ଜନକ ଘଟଣା l ଛେଣ୍ଡିପଦା ଥାନା ଅଞ୍ଚଳର ଜଣେ ନାବାଳିକା ଘରେ ଏକୁଟିଆ ଥିବା ବେଳେ ତାଙ୍କର ବଡ଼ ବାପା ପୁଅ ଭାଇ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା l ଦୁଷ୍କର୍ମ ଘଟଣା ଜଣାପଡିବା ପରେ ଭାଇ ଫେରାର ହୋଇଯାଇଥିଲା l ଏନେଇ ନାବାଳିକା ଜଣଙ୍କ ଛେଣ୍ଡିପଦା ଥାନାରେ ଅଭିଯୋଗ କରିଥିଲେ l ଅଭିଯୋଗ ପରେ ପୋଲିସ ବିଳମ୍ବିତ ରାତିରେ ନାବାଳିକାଙ୍କ ଭାଇ ପପୁନ ନାଏକଙ୍କୁ କଣିହାଁ ଥାନା ଅଞ୍ଚଳରୁ ଗିରଫ କରିଛି l ଗିରଫ ପରେ ପୋଲିସ BNS ଆକ୍ଟ ଅନୁଯାୟୀ ଧାରା 180ରେ ନାବାଳିକାଙ୍କ ବୟାନକୁ ରେକର୍ଡ କରିଛି l ଏନେଇ ପୋଲିସ ନାବାଳିକା ଓ ତାଙ୍କର ଭାଇକୁ ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇ ଡାକ୍ତରୀ ମାଇନା କରିଛି l ଏହି ଘଟଣାକୁ ନେଇ ବିଭିନ୍ନ ମହଲରୁ ନିନ୍ଦା କରାଯାଇଛି l
