୫ ଓ୍ବିକେଟରେ ଜିତିଲା ଚେନ୍ନାଇ: ଲକ୍ଷ୍ନୌ ବିପକ୍ଷରେ କମାଲ୍ କଲେ ଧୋନୀ

ଲକ୍ଷ୍ନୌ: ଚଳିତ ସିଜିନରେ ଚେନ୍ନାଇ ସୁପରକିଙ୍ଗସର ଦୁର୍ବଳ ପ୍ରଦର୍ଶନଙ୍କୁ ନେଇ ଅଗଣିତ ଫ୍ୟାନ୍ସ ନିରାଶ ହୋଇଛନ୍ତି । ସ୍ଥିତି ଏପରି ଯେ, ଚେନ୍ନାଇ ୬ଟି ମ୍ୟାଚରୁ ୧ଟିରେ ଜିତି ପଏଣ୍ଟ ଟେବୁଲରେ ତଳେ ରହିଛି । ତେବେ ଏହା ମଧ୍ୟରେ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ କମାଲ କାରଣରୁ ଚେନ୍ନାଇ ବିଜୟ ଟ୍ରାକକୁ ଫେରି ପାରିଛି । ଲକ୍ଷ୍ନୌ ବିପକ୍ଷରେ ୫ ଓ୍ବିକେଟରେ ବିଜୟ ହାସଲ କରିଛି ଚେନ୍ନାଇ । ଆଜି ଧୋନୀ ୧୧ଟି ବଲ ଖେଳି ୧ଟି ଛକା ଓ ୪ଟି ଚୌକା ସହାୟତାରେ ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ । ଶିବମ ଦୁବେ ସର୍ବାଧିକ ୪୩ ରନ୍ କରି ମଧ୍ୟ ଅପରାଜିତ ରହି ଦଳକୁ ଜିତାଇଥିଲେ ।

ଆଜି ପ୍ରଥମେ ବ୍ୟାଟିଂ କରି ଲକ୍ଷ୍ନୌ ନିର୍ଦ୍ଧାରିତ ୨୦ ଓଭରରେ ୭ ଓ୍ବିକେଟ ହରାଇ ୧୬୬ ରନ୍ ସଂଗ୍ରହ କରିଥିଲା । ଦଳ ତରଫରୁ ଋଷଭ ପନ୍ତ ସର୍ବାଧିକ ୬୩ ରନ୍ ସଂଗ୍ରହ କରିଥିଲେ । ପନ୍ତ ୪୯ ବଲ୍ ଖେଳି ୪ଟି ଛକା ଓ ୪ଟି ଚୌକା ସହାୟତାରେ ଏହି ରନ୍ କରିଥିଲେ । ମିଚେଲ ମାର୍ଶ ଦ୍ବିତୀୟ ସର୍ବାଧିକ ୩୦ ରନ୍ ସଂଗ୍ରହ କରିଥିଲେ ।