ନିଜ ଭୁଲ ଲୁଚାଇବାକୁ ନବୀନଙ୍କୁ ଅପବାଦ ଭିତରକୁ ଟାଣୁଛନ୍ତି ପ୍ରଭାତ: ବିଜେଡି

ଭୁବନେଶ୍ବର: ନିଜର ଭୁଲ ଲୁଚାଇବାକୁ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଅପବାଦ ଭିତରକୁ ଟାଣିବାକୁ ଚେଷ୍ଟା କରୁଛନ୍ତି ପ୍ରଭାତ ତ୍ରିପାଠୀ । ପ୍ରଭାତ ପ୍ରଥମେ ୧୯୯୮ରେ ବିଜେଡିରୁ ବହିଷ୍କୃତ ହୋଇଥିଲେ । ପରେ ଚିଟଫଣ୍ଡ ମାମଲାରେ ସେ ୨୦୧୪ରେ ବିଜେଡିରୁ ବହିଷ୍କୃତ ହୋଇଥିଲେ । ତେଣୁ ପ୍ରଭାତ ଦଳରେ କେତେ ଶୃଙ୍ଖଳିତ ତାହା ରାଜ୍ୟବାସୀ ଜାଣିବା ଦରକାର ବୋଲି କହିଛନ୍ତି ବିଜେଡି ମୁଖପାତ୍ର ଲେନିନ ମହାନ୍ତି ।

ପ୍ରଭାତ ତ୍ରିପାଠୀଙ୍କ ପୂର୍ବ ଭିଡିଓ ଦେଖାଇ ସେ ତାଙ୍କୁ ଟାର୍ଗେଟ କରିଛନ୍ତି ।  ପ୍ରଭାତ ବିଜେଡିର ସଦସ୍ୟ ନୁହଁନ୍ତି ବୋଲି କହୁଛନ୍ତି । ତେବେ କେଉଁ ପ୍ରତିକ୍ରିୟା ସତ୍ୟ ବୋଲି ପ୍ରଶ୍ନ କରିଛି ବିଜେଡି । ଜଣେ ବରିଷ୍ଠ ନେତା ଯେତେବେଳେ ମତ ରଖୁଛନ୍ତି ତାହା ତଥ୍ୟ ଆଧାରିତ ହେବା ଉଚିତ । ହାଇକୋର୍ଟଙ୍କ ଅର୍ଡରରେ ସ୍ପଷ୍ଟ ଭାବେ ଲେଖା ହୋଇଛି, କେସ ଖାରଜ ପାଇଁ ସେ କରିଥିବା ପିଟିସନକୁ ହାଇକୋର୍ଟ ଖାରଜ କରିଛନ୍ତି । ନିଜର ଭୁଲ ଲୁଚେଇବାକୁ ନବୀନଙ୍କୁ ଅପବାଦ ଭିତରକୁ ଟାଣିବାକୁ ଚେଷ୍ଟା କରୁଛନ୍ତି ପ୍ରଭାତ । ତେଣୁ ପ୍ରଭାତ ଦଳରେ କେତେ ଶୃଙ୍ଖଳିତ ବୋଲି ରାଜ୍ୟବାସୀ ଜାଣିବା ଦରକାର ବୋଲି କହିଛନ୍ତି ଲେନିନ୍ ।