ନଦୀ ଭିତରେ ଫଟୋ ଉଠାଇବା ହେଲା କାଳ, ଚାଲିଗଲା ପର୍ଯ୍ୟଟକଙ୍କ ଜୀବନ

ରାୟଗଡ଼ା: ନଦୀରେ ପଶି ଫଟୋ ଉଠାଇବା ହେଲା କାଳ । ନାଗାବଳୀ ନଦୀରେ ବୁଡ଼ି ଜଣେ ପର୍ଯ୍ୟଟକଙ୍କୁ ମୃତ୍ୟୁ । ମାଆ, ମଝି ଘରିଆଣୀଙ୍କ ଦର୍ଶନ ପାଇଁ ଆନ୍ଧ୍ରପ୍ରଦେଶରୁ ଆସିଥିବା ପର୍ଯ୍ୟଟକଙ୍କ ମୃତ୍ୟୁ ଘଟିଛି । ମୃତକ ହେଲେ ବିଜୟୱ।ଡା ପାଡ଼ମେଟା ଗାଁର ୧୮ ବର୍ଷୀୟ ସାଇ କ୍ରୀଷ୍ଣା ।

ଗତକାଲି ବିଜୟୱ।ଡା ଅଞ୍ଚଳରୁ ପରିବାର ସହିତ ଅଧିଷ୍ଟାତ୍ରୀ ଦେବୀ ମାଆ ମଝି ଘରିଆଣୀଙ୍କ ଦର୍ଶନ ପାଇଁ ଆସିଥିଲେ ସାଇ । ପରିବାରରେ ଥିବା ୧୬ଜଣ ଆଜି ସକାଳ ୧୧ଟାରେ ମାରିଗୁଡ଼ା ଦେଇ ପ୍ରଭାହିତ ହେଉଥିବା ନାଗାବଳୀ ନଦୀକୁ ଗାଧୋଇବାକୁ ଯାଇଥିଲେ । ଗାଧୋଇବା ସମୟରେ ସାଇ କ୍ରୀଷ୍ଣ ନଦୀ ଭିତରକୁ ଯାଇ ଫଟୋ ଉଠାଉଥିଲେ । ଏହି ସମୟରେ ନଦୀ ସ୍ରୋତରେ ସାଇ ଭାସି ଯାଇଥିଲେ । ପରିବାର ଲୋକେ ସାଇକୁ ଉଦ୍ଧାର କରିବା ପାଇଁ ଚେଷ୍ଟା କରି ବିଫଳ ହୋଇଥିଲେ । ଅଗ୍ନିଶମ ବାହିନୀ ପହଞ୍ଚି ସାଇ କ୍ରୀଷ୍ଣାଙ୍କ ମୃତଦେହକୁ ଉଦ୍ଧାର କରିଥିଲେ ।

ପୋଲିସ ମୃତଦେହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି । ଝୋଲାପୋଲ ନିକଟସ୍ଥ ନାଗାବଳୀ ନଦୀ ଅଞ୍ଚଳକୁ ପ୍ରଶାସନ ପକ୍ଷରୁ ନିଶେଧାଞ୍ଚଳ ଘୋଷଣା କରାଯାଇଛି । ହେଲେ ପ୍ରତିବର୍ଷ ପର୍ଯ୍ୟଟକ ନଦୀରେ ଗାଧୋଇବା ବେଳେ ବୁଡ଼ି ମୃତ୍ୟୁମୁଖରେ ପଡୁଛନ୍ତି ।