ଭୁବନେଶ୍ବର : ଓଡ଼ିଶାରେ ଆଇନଶୃଙ୍ଖଳା ବିପର୍ଯ୍ୟସ୍ତ । ଦିନ ଦିପ୍ରହରରେ ଘଟୁଛି ଡକାୟତି ଓ ହତ୍ୟାକାଣ୍ଡ । ରାଜ୍ୟରେ ଏବେ ଯେଉଁଭଳି ଅପରାଧ ହେଉଛି ଓଡ଼ିଶାରେ ଆଗରୁ କେବେ ଦେଖିବାକୁ ମିଳିନଥିଲା । ଏହା ସିଷ୍ଟମକୁ ସିଧା ଚ୍ୟାଲେଞ୍ଜ କରୁଛି । ପୋଲିସ ବିଭାଗକୁ ବି ଅପରାଧୀଙ୍କ ସିଧା ଚ୍ୟାଲେଞ୍ଜ ବୋଲି କହିଛନ୍ତି ବିଜେଡି ସାଂସଦ ସୁଲତା ଦେଓ । ପୂର୍ବରୁ ସହଦେଵ ନାୟକଙ୍କ ମୁଣ୍ଡଗଣ୍ଡି ଅଲଗା କରିଦିଆଗଲା । ଏଭଳି ବିଭତ୍ସ ହତ୍ୟା ରାଜ୍ୟରେ କେବେ ହୋଇନଥିଲା । ଦୁଇ ଦିନ ତଳେ ଚାରିଆଡେ ପୋଲିସ ଥିବାବେଳେ ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରେ ରାତିରେ ଚୋର ପଶିଲା। ଏହା ରାଜ୍ୟ ସରକାରଙ୍କ ସୁରକ୍ଷା ବ୍ୟବସ୍ଥା ଉପରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି ବୋଲି କହିଛନ୍ତି ବିଜେଡି ସାଂସଦ ସୁଲତା ଦେଓ।
