ଶିମିଳିପାଳ ଅଭୟାରଣ୍ୟରେ ଥିବା ଅନ୍ୟତମ ପୋଷା ହାତୀ ଭବାନୀ ଆଖି ବୁଜିଲା

ମୟୂରଭଞ୍ଜ ଶିମିଳିପାଳ ଅଭୟାରଣ୍ୟରେ ଥିବା ଅନ୍ୟତମ ପୋଷା ହାତୀ ଭବାନୀର ମୃତ୍ୟୁ। ୬୨ ବର୍ଷ ବୟସରେ ଜେନାବିଲ ଠାରେ ତାର ମୃତ୍ୟୁ ହୋଇଛି। ବାର୍ଦ୍ଧକ୍ୟ ଯୋଗୁଁ ତାକୁ ନରମ ଖାଦ୍ୟ ଦିଆଯାଉଥିଲା। ଆଜି ସକାଳେ ତାର ମୃତ୍ୟୁ ହୋଇଥିବା ନେଇ ଶିମିଳିପାଳ ବ୍ୟାଘ୍ର ପ୍ରକଳ୍ପ ନିର୍ଦ୍ଦେଶକଙ୍କ ପକ୍ଷରୁ ସୂଚନା ଦିଆଯାଇଛି। ଶଵ ଵ୍ୟଵଚ୍ଛେଦ ପରେ ପୋତା ଯିବ ପ୍ରକଳ୍ପ ନିର୍ଦ୍ଦେଶକ ପ୍ରକାଶ ଚାନ୍ଦ ଗୋଗିନେନି ସୂଚନା ଦେଇଛନ୍ତି। ଗତ ୨୦୦୧ ମସିହାରେ କର୍ଣ୍ଣାଟକରୁ ଶିମିଳିପାଳକୁ ତିନୋଟି ହାତୀ ଶୋଭା, ଭବାନୀ ଓ ମହେନ୍ଦ୍ରକୁ ଅଣାଯାଇଥିଲା। ଗତ କିଛି ମାସ ପୂର୍ବରୁ ଶୋଭାର ମୃତ୍ୟୁ ହୋଇଥିବା ବେଳେ ଗତ ଜାନୁଆରୀ ୧୨ ତାରିଖରେ ମହିନ୍ଦ୍ରାର ମୃତ୍ୟୁ ହୋଇଥିଲା। ଆଜି ଭବାନୀର ମୃତ୍ୟୁ ସମ୍ପର୍କରେ ଖବର ପାଇ ପରିବେଶବିତ୍ ଉଦବେଗ ପ୍ରକାଶ କରିଛନ୍ତି।