ଭିତରକନିକାରେ ଚାଲିଛି କୁମ୍ଭୀର ଗଣନା

ରାଜନଗର : କେନ୍ଦ୍ରାପଡ଼ା ଜିଲ୍ଲା ଭିତରକନିକାରେ ଚାଲିଛି କୁମ୍ଭୀର ଗଣନା। ତିନିଦିନ ଧରି ଚାଲିବ କୁମ୍ଭୀର ଗଣନା କାର୍ଯ୍ୟ । କୁମ୍ଭୀର ଗଣନା ପାଇଁ ନିୟୋଜିତ ହୋଇଛନ୍ତି ୨୨ଟି ଟିମ୍ । କୁମ୍ଭୀର ବିଶାରଦ ଡଃ ସୁଧାକର କରଙ୍କ ନେତୃତ୍ବରେ ରାଜନଗର ବନଖଣ୍ଡର କନିକା, ରାଜନଗର, ମହାକାଳପଡ଼ା ଓ ଗହୀରମଥା ରେଞ୍ଜରେ ଚାଲିଛି ଗଣନା । ଭିତରକନିକା ନଦୀକୁ ସଂଲଗ୍ନ କରୁଥିବା ନଦୀ ନାଳ ମାନଙ୍କରେ ହୁଲି ଡଙ୍ଗା ସାହାଯ୍ୟରେ କୁମ୍ଭୀର ଗଣନା କରାଯାଉଛି । ଗତବର୍ଷ ଭିତରକନିକାରେ ୧୮ଶହ ୧୧ଟି କୁମ୍ଭୀର ଗଣନା କରାଯାଇଥିବା ବେଳେ ଚଳିତବର୍ଷ ଅଧିକ ସଂଖ୍ୟକ କୁମ୍ଭୀର ଗଣନା କରାଯିବା ନେଇ ଆଶା ରଖିଛି ବନବିଭାଗ ।