ସ୍ମାର୍ଟ ତରିକାରେ ସ୍ମାର୍ଟ ଶିକାର, ବାନ୍ଧିଲା ବନ୍ୟ ପ୍ରାଣୀ ବିଭାଗ

ଟାଙ୍ଗୀ : ସ୍ମାର୍ଟ ଶିକାରୀକୁ ଗିରଫ କଲା ଟାଙ୍ଗୀ ବନ୍ୟ ପ୍ରାଣୀ ବିଭାଗ ।  ସ୍ମାର୍ଟ ତରିକାରେ ବାଇନାକୁଲ ସାହାଯ୍ୟରେ ଶିକାର କରୁଥିଲା ସ୍ମାର୍ଟ ଶିକାରୀ। ଉଚ୍ଚ ସ୍ଥାନରେ ରହି ବାଇନାକୁଲର ବ୍ୟବହାର କରି ବନ୍ୟ ପ୍ରାଣୀ ବିଭାଗର ପାଟ୍ରୋଲିଙ୍ଗ ପାର୍ଟି ଉପରେ ନଜର ରଖୁଥିଲା । ସୁଯୋଗ ଦେଖି କଇଁ ଫୁଲ ନାଡ଼ରେ ବିଷ ପ୍ରୟୋଗ କରି ପକ୍ଷୀଙ୍କୁ ଶିକାର କରୁଥିଲା ଶିକାରୀ।  ଆଜି ୨୫ରୁ ଅଧିକ ବିଦେଶୀ ପକ୍ଷୀ ଶିକାର କରି ବିକ୍ରି କରିବାକୁ ନେବା ବେଳେ ଅଭିମାନପୁର ନିକଟରେ ମାଡି ବସିଥିଲା ବନ୍ୟପ୍ରାଣୀ ବିଭାଗ । ପକ୍ଷୀ ଶିକାରୀକୁ ଗିରଫ କରି ତା ପାଖରୁ ୨୫ରୁ ଅଧିକ ମୃତ ବିଦେଶୀ ପକ୍ଷୀ ଜବତ କରିଛି ।  ଶୀକାରୀ ନିକଟରୁ ଗୋଟେ ବାଇକ ବି ଜବତ କରିଛି ପୋଲିସ । ଗିରଫ ଶିକାରୀର ନାଁ ଆଲୋକ ପ୍ରଧାନ ହୋଇଥିବା ବେଳେ ତାର ଘର ଟାଙ୍ଗୀ ଥାନା ଉଜ୍ଜଳା ଗୋପୀନାଥପୁର ଗାଁରେ ବୋଲି ଜଣା ପଡିଛି।