ପୋଲାଭରମ ପ୍ରକଳ୍ପକୁ ଆଦାନୀ କମ୍ପାନୀ ପାଇଁ ନିର୍ମାଣ କରୁଛନ୍ତି ସରକାର : ସପ୍ତଗିରି ଉଲାକା

ନୂଆଦିଳ୍ଲୀ : ଦେଶର ସ୍ବାର୍ଥ ପାଇଁ ନୁହେଁ, ପୋଲାଭରମ ପ୍ରକଳ୍ପକୁ ସରକାର ଆଦାନୀ କମ୍ପାନୀ ପାଇଁ ନିର୍ମାଣ କରୁଛନ୍ତି । ଲୋକସଭାରେ ଶୂନ୍ଯକାଳରେ ଏପରି ସାଂଘାତିକ ଅଭିଯୋଗ ଆଣିଛନ୍ତି କୋରାପୁଟ କଂଗ୍ରେସ ସାଂସଦ ସପ୍ତଗିରି ଉଲାକା । ପ୍ରକଳ୍ପ ଦ୍ବାରା ୧୬୨ଟି ଗାଁ ବୁଡିବ । ହଜାର ହଜାର ଏକର ଜମି ଜଳମଗ୍ନ ହେବ । ପ୍ରକଳ୍ପ ପୂର୍ବରୁ କୌଣସି ସର୍ଭେ କିମ୍ବା ଥଇଥାନ ଘୋଷଣା କରାଯାଇନାହିଁ ବୋଲି ଗୃହରେ ଉଦବେଗ ପ୍ରକାଶ କରିଛନ୍ତି ସପ୍ତଗିରି । ଆନ୍ଧ୍ରରେ ନାଇଡୁ ସରକାର ଆସିବା ପରେ ଏବେ କାମ ଜୋରସୋରରେ ଚାଲିଛି । କେନ୍ଦ୍ର ସରକାର ମଧ୍ଯ ବଜେଟରେ ସ୍ବତନ୍ତ୍ର ଆର୍ଥିକ ଅନୁଦାନ ଘୋଷଣା କରି ପ୍ରକଳ୍ପକୁ ତ୍ବରାନ୍ବିତ କରିବାକୁ ପ୍ରୋତ୍ସାହିତ କରିଛନ୍ତି । ପୂର୍ବ ଡିଜାଇନରେ ପରିବର୍ତ୍ତନ କରି ପୋଲାଭରମ ପ୍ରକଳ୍ପ ନିର୍ମାଣ ହେଉଥିବାବେଳେ ଓଡ଼ିଶା ଭୁବନେଶ୍ବରରୁ ଦିଲ୍ଲୀ ଉଦବେଗ ପ୍ରକାଶ କରି ଆସୁଛି ।