ହେମନ୍ତ ସୋରେନଙ୍କ ମନ୍ତ୍ରିମଣ୍ଡଳ ସମ୍ପ୍ରସାରଣ, ୧୧ ଜଣଙ୍କୁ ସ୍ଥାନ

ରାଞ୍ଚି: ଝାଡ଼ଖଣ୍ଡରେ ହେମନ୍ତ ସୋରେନ ତାଙ୍କ ମନ୍ତ୍ରିମଣ୍ଡଳର କରିଛନ୍ତି ସମ୍ପ୍ରସାରଣ । ନୂଆ ମନ୍ତ୍ରିମଣ୍ଡଳରେ ସ୍ଥାନ ପାଇଛନ୍ତି ୧୧ ଜଣ ବିଧାୟକ । ଜେଏମଏମରୁ ୬ ଜଣ ବିଧାୟକଙ୍କୁ ସ୍ଥାନ ମିଳିଥିବା ବେଳେ କଂଗ୍ରେସରୁ ୪ ଓ ଆରଜେଡିର ଜଣେ ବିଧାୟକ ମନ୍ତ୍ରୀ ହୋଇଛନ୍ତି । ରାଜଭବନରେ ଆୟୋଜିତ ସ୍ବତନ୍ତ୍ର ଉତ୍ସବରେ ପଦ ଓ ଗୋପନୀୟତାର ଶପଥ ପାଠ କରାଇଥିଲେ ରାଜ୍ଯପାଳ ।

ମୁଖ୍ଯମନ୍ତ୍ରୀ ହେମନ୍ତ ସୋରେନ ପୂର୍ବରୁ ଶପଥ ନେଇଥିଲେ । ନବଗଠିତ ମନ୍ତ୍ରିମଣ୍ଡଳରେ ଜେଏମଏମର ସୁଦିବ୍ଯା କୁମାର ସୋନୁ, ଚମରା ଲିଣ୍ଡା, ହଫିଜୁଲ ହାସଲ, ରାମଦାସ ସୋରେନ, ଦୀପକ ବିରୁୱା ଏବଂ ଯୋଗେନ୍ଦ୍ର ପ୍ରସାଦଙ୍କୁ ସ୍ଥାନ ମିଳିଛି । କଂଗ୍ରେସରୁ ରାଧାକ୍ରିଷ୍ଣ କିଶୋର, ଇରଫାନ ଅନସାରୀ, ଦୀପକ ପାଣ୍ଡେ ଏବଂ ଶିଳ୍ପା ନେହା ତିର୍କୀ ମନ୍ତ୍ରୀ ହୋଇଛନ୍ତି ।

ସେହିପରି ଆରଜେଡିର ସଞ୍ଜୟ ପ୍ରସାଦ ଯାଦବ ନୂଆ ମନ୍ତ୍ରିମଣ୍ଡଳରେ ସାମିଲ ହୋଇଛନ୍ତି । ଗତ ନିର୍ବାଚନରେ ଜେଏମଏମ ୪୩ ଆସନର ଲଢି ୩୪ ଆସନରେ ବିଜୟୀ ହୋଇଥିଲା ।