ନନ୍ଦିଘୋଷ ବ୍ୟୁରୋ: ବାଂଲାଦେଶରେ ଇସ୍କନକୁ ବଡ଼ ଆଶ୍ବସ୍ତି। ଦେଶରେ ଇସ୍କନ କାର୍ଯ୍ୟକଳାପ ଉପରେ ନିଷେଧାଦେଶ ଜାରି ଲାଗି ଅଗ୍ରାହ୍ୟ କରିଛନ୍ତି ବାଂଲାଦେଶ ହାଇକୋର୍ଟ। ଏହାସହ ଦେଶରେ ଆଇନର ସୁରକ୍ଷା ଲାଗି ସତର୍କ ରହିବା ଲାଗି ସରକାରଙ୍କୁ ନିର୍ଦ୍ଦେଶ ହେଇଛନ୍ତି ହାଇକୋର୍ଟ। ଦେଶରେ ଇସକନକୁ ନେଇ ଚାଲିଥିବା ଅସ୍ଥିରତା ପ୍ରସଙ୍ଗରେ ସରକାର ଉପଯୁକ୍ତ ପଦକ୍ଷେପ ନେଇଛନ୍ତି ବୋଲି ଅଦାଲତଙ୍କୁ ଅବଗତ କରାଯିବା ପରେ ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ସଂଗଠନ ସମ୍ପର୍କରେ କେତେକ ରିପୋର୍ଟକୁ ଅଦାଲତରେ ଦାଖଲ କରିବା ସହ ଏହାକୁ ନିଷିଦ୍ଧ କରିବା ଲାଗି ଜଣେ ଆଇନଜୀବୀ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ। ଇସ୍କନର କାର୍ଯ୍ୟକଳାପ ସମ୍ପର୍କରେ କଣ ପଦକ୍ଷେପ ନିଆଯାଇଛି ସେ ସମ୍ପର୍କରେ ସୂଚନା ଦେବା ଲାଗି ଆଟର୍ଣ୍ଣି ଜେନେରାଲଙ୍କୁ କହିଛନ୍ତି କୋର୍ଟ।
ଜଷ୍ଟିସ ଫାରା ମେହବୁବ ଓ ଜଷ୍ଟିସ ଦେବାଶିଷ ରାୟ ଚୌଧୁରୀଙ୍କୁ ନେଇ ଗଠିତ ଖଣ୍ଡପୀଠ ଏହି ରାୟ ଦେଇଛନ୍ତି। ବାଂଲାଦେଶରେ ଏକ ଉଗ୍ରବାଦୀ ସଂଗଠନ ଭାବେ କାର୍ଯ୍ୟ କରୁଛି ବୋଲି କେତେକ ଓକିଲ ବି ଅଭିଯୋଗ କରିଥିଲେ। ଇସ୍କନ ଗୁରୁ ଚିନ୍ମୟ କ୍ରିଷ୍ଣା ଦାସଙ୍କୁ ଗିରଫକୁ ବିରୋଧ କରିଛନ୍ତି ଇସ୍କନର ବାଂଲାଦେଶ ସାଧାରଣ ସମ୍ପାଦକ ଚାରୁ ଚନ୍ଦ୍ର ଦାସ ବ୍ରହ୍ମଚାରୀ। ସେପଟେ ଇସ୍କନର ଶିବଚର କେନ୍ଦ୍ରକୁ ଜୋରଜବରଦସ୍ତ ବନ୍ଦ କରିଛନ୍ତି ମୁସଲମାନ। ସେଠାରେ ଥିବା ଇସ୍କନ ଶ୍ରଦ୍ଧାଳୁଙ୍କୁ ଏକ ଯାନରେ ନେଇଯାଇଛି ସେନା। ଏନେଇ ସୂଚନା ଦେଇଛନ୍ତି ଇସ୍କନ କୋଲକାତାର ମୁଖପାତ୍ର ରାଧାରମଣ ଦାସ।
