ସଂସଦ ବାହାରେ ଇଣ୍ଡିଆ ମେଣ୍ଟର ବିକ୍ଷୋଭ

ନୂଆଦିଲ୍ଲୀ : ସଂସଦ ଅଧିବେଶ ଚାଲିଥିବାବେଳେ ସଂସଦ ବାହାରେ ଇଣ୍ଡିଆ ମେଣ୍ଟର ବିକ୍ଷୋଭ। ଜୀବନ ବୀମା ଓ ମେଡିକାଲ ବୀମା ପ୍ରିମିୟମ ଉପରେ ଲାଗୁ ୧୮ ପ୍ରତିଶତ ଜିଏସଟି ପ୍ରତ୍ଯାହାର କରିବା ଦାବିରେ ସାଂସଦମାନେ କରିଛନ୍ତି ବିକ୍ଷୋଭ। ପ୍ଲାକାର୍ଡ ଧରି ଜିଏସଟି ପ୍ରତ୍ଯାହାର ଦାବିରେ ସେମାନେ କରିଥିଲେ ଆନ୍ଦୋଳନ। ଗତ ଜୁଲାଇ ୨୯ରେ ରାଜ୍ଯସଭାରେ ତୃଣମୂଳ କଂଗ୍ରେସ ସାଂସଦ ପ୍ରଥମେ ଏହି ପ୍ରସଙ୍ଗ ଉଠାଇବା ପରେ ସରକାର ବିରୋଧରେ ତାତିଥିଲେ ବିରୋଧୀ। ଏହାକୁ ନେଇ ଗତ ଶୁକ୍ରବାର ଗୃହ ପରିତ୍ଯାଗ କରିଥିଲେ ଇଣ୍ଡିଆ ବ୍ଲକ ସାଂସଦ। ପ୍ରିମିୟମ ଉପରେ ଜିଏସଟି ଲାଗୁ ଯୋଗୁଁ ଏହା ଗରିବ ଓ ମଧ୍ଯବିତ୍ତ ପରିବାର ଉପରେ ବୋଝ ହେବ ବୋଲି କହିଥିଲେ ବିରୋଧୀ। ବଡକଥା ହେଉଛି ଏହି ଜିଏସଟି ହଟାଇବା ଲାଗି ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ନିକଟକୁ ପତ୍ର ଲେଖିଥିଲେ କେନ୍ଦ୍ର ପରିବହନ ମନ୍ତ୍ରୀ ନୀତୀନ ଗଡକରୀ।