ବିବାଦରେ ଟିମ ଇଣ୍ଡିଆ ଜର୍ସି, ଦିଦି କହିଲେ ଏଠି ସବୁ ଗେରୁଆ ରଙ୍ଗ କରୁଛନ୍ତି କେନ୍ଦ୍ର ସରକାର

କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜି ଟିମ୍ ଇଣ୍ଡିଆ ଜର୍ସିକୁ ନେଇ ଏକ ବିବାଦ ଠିଆ କରିଛନ୍ତି । ଦିଦି କହିଛନ୍ତି ଯେ, ସବୁକିଛି ଗେରୁଆ ରଙ୍ଗରେ ରଙ୍ଗୀନ ହେଇ ଯାଉଛି । କହିବାକୁ ଗଲେ ଦିଦି ସିଧା ବିଜେପିକୁ ଟାର୍ଗେଟ କରିଛନ୍ତି । ଏହାକୁ ନେଇ ବିଜେପି ଓଲଟା ନିଶାନା କରିଛି । ବିଜେପି କହିଛି ଯେ, ଦିଦି ତ ପୂରା ପଶ୍ଚିମବଙ୍ଗକୁ ଧଳା ଏବଂ ନୀଳ ରଙ୍ଗ କରିଦେଇଛନ୍ତି ।

କୋଲକାତାର ଏକ ସ୍ଥାନରେ ଜଗଧାତ୍ରୀ ପୂଜା ଉଦଘାଟନ ଅବସରରେ ମମତା କହିଛନ୍ତି ଯେ, କେନ୍ଦ୍ର ସରକାର  ଦେଶର ସବୁଠୁ ଲୋକପ୍ରିୟ ଖେଳକୁ ଗେରୁଆ ରଙ୍ଗରେ ସଜେଇବାକୁ ଚେଷ୍ଟା କରୁଛନ୍ତି । ଭାରତୀୟ ଖେଳାଳୀଙ୍କୁ ନେଇ ମୁଁ ଗର୍ବ କରେ, ସେମାନେ ନିଶ୍ଚୟ ବିଶ୍ବକପରେ ବିଜୟୀ ହେବେ । କିନ୍ତୁ ମ୍ୟାଚ୍ ପ୍ରାକ୍ଟିସ ବେଳେ ଇଣ୍ଡିଆ ଟିମ୍ ନୀଳ ବଦଳରେ ଗେରୁଆ ରଙ୍ଗର ଜର୍ସି ପିନ୍ଧୁଛନ୍ତି । କେବଳ ଏତିକି ନୁହେଁ ମେଟ୍ରୋ ଷ୍ଟେସନକୁ ମଧ୍ୟ ଗେରୁଆ ରଙ୍ଗରେ ରଙ୍ଗୀନ କରାଯାଇଛି ।