ଭଉଣୀ ଟଙ୍କା ନଦେବାରୁ, ନିଜ ବନ୍ଧୁକରୁ ଗୁଳି କରିଦେଲା ଭାଇ

କେନ୍ଦୁଝର : ସମ୍ପର୍କରେ ଲାଗିଛି ରକ୍ତର ଛିଟା । ଯେଉଁ ହାତରେ ରାଖୀ ବାନ୍ଧୁଥିଲା ଭଉଣୀ ସେହି ହାତରେ ଗୁଳି ମାରିଦେଲା ଭାଇ । ବିଭତ୍ସ, ଜଘନ୍ୟ, ଲୋମହର୍ଷଣ କହିଲେ ଭୁଲ ହେବ ନାହିଁ । ସଇତାନ ଭାଇର ଭୟଙ୍କର କାଣ୍ଡ । ଘରୋଇ କଳିରୁ ଭଉଣୀକୁ ଗୁଳି ମାରିଲା ଭାଇ । ଗୁଳିମାଡ଼ରେ ଭଉଣୀ ମୃତ । କେନ୍ଦୁଝର ପଣ୍ଡାପଡା ଥାନା ସୋମଗିରି ଗ୍ରାମର ଘଟଣା । ନିଜ ଲାଇସେନ୍ସପ୍ରାପ୍ତ ବନ୍ଧୁକରୁ ଗୁଳି ମାରି ଥାନାରେ ଆତ୍ମସମର୍ପଣ କଲା ଭାଇ । ଗୁରୁତର ଭଉଣୀଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯିବା ପରେ ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ଡାକ୍ତର ।

ଅଭିଯୁକ୍ତ ଭାଇ ପ୍ରସନ୍ନ ବାରିକ  ଏକ କମ୍ପାନୀରେ ଗନମ୍ୟାନ ଭାବେ କାର୍ଯ୍ୟ କରେ । ପ୍ରସନ୍ନର ଦେହ ଖରାପ ଥିବାରୁ ସେ ଭଉଣୀ ମାଳତୀ ବାରିକକୁ ଟଙ୍କା ମାଗିଥିଲା । ଭଉଣୀ ଟଙ୍କା ନଦେବାରୁ ଭାଇ ପ୍ରସନ୍ନ ଉତକ୍ଷିପ୍ତ ହୋଇ  ଭଉଣୀକୁ ନିଜ ବନ୍ଧୁକରୁ ଗୁଳି କରିଥିଲା । ଗୁଳିଟି କାନ୍ଧ ତଳେ ବାଜି ଥିଲା । ଭଉଣୀ ମାଳତୀ ମୃତ୍ୟୁ ହୋଇଛି ।