ରୁଟି ଖାଇବା ପଡିପାରେ ମହଙ୍ଗା, ଦୀପାବଳି ପରେ ବଢିଲା ଦର

ନୂଆଦିଲ୍ଲୀ: ଦୀପାବଳି ପରେ ବଢିଲା ଗହମ ଜାତୀୟ ଖାଦ୍ୟ ସାମଗ୍ରୀର ଦର । ଅଟା ମଇଦା ସୁଜି ସବୁର ଦର ବଢିଛି । ୟୁକ୍ରେନ ରଷ ଯୁଦ୍ଧ ଏହାର ଏକ କାରଣ ହୋଇଥିବା ବେଳେ କେନ୍ଦ୍ର ସରକାରଙ୍କ କର୍ପୋରେଟ ପ୍ରୀତିକୁ ଟାର୍ଗେଟ କରିଛନ୍ତି ବ୍ୟବସାୟୀ ମହା ସଂଘ ।

ଏଫସିଆଇ ଗହମ ଗଚ୍ଛିତ ରଖିଛି ହେଲେ ଖୋଲା ବଜାରରେ ବିକ୍ରି କରୁନାହିଁ । କର୍ପୋରେଟ ସଂସ୍ଥା ମାନେ ଏହାର ଫାଇଦା ଉଠାଇ ଗଚ୍ଛିତ ରଖିଥିବା ଗହମକୁ କୁଇଣ୍ଟାଲ ପିଛା ୧୯୦୦ ବଦଳରେ ୨୭୦୦ ଟଙ୍କାରେ ବିକ୍ରି କରୁଛନ୍ତି । ତୁରନ୍ତ ଏଫସିଆଇ ଗହମକୁ ଖୋଲା ବଜାରରେ ନ ବିକ୍ରି କଲେ ଦର ଦାମ ଉପରେ ନିୟନ୍ତ୍ରଣ ଆସିବ ନାହିଁ କହିଛି ବ୍ୟବସାୟୀ ମହାସଂଘ ।