କାଠରେ ମାଆ ତାରା ତାରିଣୀଙ୍କ ମନ୍ଦିର ନିର୍ମାଣ କଲେ ଦିଲ୍ଲୀପ
ପୁରୁଷୋତ୍ତମପୁର: କାଠରେ ସୂକ୍ଷ୍ମ କଳାକୃତି । ତିଆରି ହୋଇଛି ଗଞ୍ଜାମ ଜିଲ୍ଲାର ଅଧିଷ୍ଟାତ୍ରୀ ଦେବୀ ମା’ ତାରାତାରିଣୀଙ୍କ ମନ୍ଦିର । ଏହି କ୍ଷୁଦ୍ରତମ ଅବିକଳ କଳାକୃତିକୁ ତିଆରି କରିଛନ୍ତି ବ୍ରହ୍ମପୁରର ଶିଳ୍ପୀ ଦିଲ୍ଲୀପ ମହାରାରଣା । ପୂର୍ବରୁ ଶ୍ରୀମନ୍ଦିର, ବ୍ରହ୍ମପୁର ବୁଢୀ ଠାକୁରାଣୀଙ୍କ ମୁଖା, ନନ୍ଦିଘୋଷ ରଥ ନିର୍ମାଣ କରି ଇଣ୍ଡିଆ ବୁକ୍ ଅଫ ରେକର୍ଡ ଓ ଏସିଆ ବୁକ ଅଫ୍ ରେକର୍ଡରେ ସ୍ଥାନ ପାଇଛନ୍ତି । ଏବେ ଚୈତ୍ର ମେଳା ଅବସରରେ ମା’ ତାରାତାରିଣୀଙ୍କ ମନ୍ଦିର ତିଆରି କରି ପୁଣି ଚର୍ଚ୍ଚାରେ ଦିଲ୍ଲୀପ ।
କାଠରେ ଗଞ୍ଜାମ ଅଧିଷ୍ଟାତ୍ରୀ ଦେବୀ ମା’ ତାରାତାରିଣୀଙ୍କ ମନ୍ଦିର । ମାତ୍ର ୪ ଇଞ୍ଚରେ କଳାକୃତିରେ ମୁଖ୍ୟ ମନ୍ଦିର ସମେତ ଜଗମୋହନ, ନାଟ ମଣ୍ଡପ ସାଙ୍ଗକୁ ପଞ୍ଚୁ ଦେବଦେବୀଙ୍କ ଜଜ୍ଞବେଦୀ । ଅତି ନିଖୁଣ ଭାବେ ଖୋଦିତ ଏହି ମନ୍ଦିରକୁ ନିର୍ମାଣ କରିଛନ୍ତି ବ୍ରହ୍ମପୁର ଶିଳ୍ପୀ ଦିଲ୍ଲୀପ ମହାରଣା । ଏହାକୁ ତିଆରି କରିବାକୁ ଦିଲ୍ଲୀପଙ୍କୁ ୭ ଦିନ ଲାଗିଛି । ମୁଖ୍ୟମନ୍ତ୍ରୀଙ୍କର ପ୍ରୟାସରୁ ତାରାତାରିଣୀ ମନ୍ଦିର ବିଶ୍ୱସ୍ତରୀୟ ଭାସ୍କର୍ଯ୍ୟର ମାନ୍ୟତା ଲାଭ କରିବା ସହ ଏଠାରେ ଅନେକ ଉନ୍ନତିମୂଳକ କାର୍ଯ୍ୟ ହୋଇପାରିଛି । ତେଣୁ ମନ୍ଦିରର ଏହି ପ୍ରତିକୃତିକୁ ମୁଖ୍ୟମନ୍ତ୍ରୀଙ୍କୁ ନିଜ ହାତରେ ଉପହାର ଦେବା ପାଇଁ ଇଚ୍ଛା ପ୍ରକାଶ କରିଛନ୍ତି ଦିଲ୍ଲୀପ ।
ଏହି କଳାକୃତି ତିଆରିରେ ଦିଲ୍ଲୀପଙ୍କ ତାଙ୍କ ବାପା, ମାମୁ, ଭାଇ ଓ ପରିବାର ଲୋକେ ସହଯୋଗ କରିଛନ୍ତି । ଏଥିପାଇଁ ତାରାତାରିଣୀ ମନ୍ଦିରର ସେବକ ସଂଘ ତାଙ୍କୁ ତଥ୍ୟ ପ୍ରଦାନ କରିଥିଲେ । ଦିଲୀପଙ୍କ ଏପରି କାର୍ଯ୍ୟକୁ ଅଞ୍ଚଳରେ ଲୋକେ ପ୍ରଶଂସା କରିଛନ୍ତି । ପୂର୍ବରୁ ଶ୍ରୀମନ୍ଦିର, ବ୍ରହ୍ମପୁର ବୁଢୀ ଠାକୁରାଣୀଙ୍କ ମୁଖା, ନନ୍ଦିଘୋଷ ରଥ ନିର୍ମାଣ କରି ଇଣ୍ଡିଆ ବୁକ୍ ଅଫ ରେକର୍ଡ ଓ ଏସିଆ ବୁକ ଅଫ୍ ରେକର୍ଡରେ ଗ୍ରାଣ୍ଡମାଷ୍ଟର ସହ ଏକ୍ସକ୍ଲୁସିଭ ଓ୍ବାଲ୍ଡ ରେକର୍ଡ୍ସରେ ନିଜକୁ ସ୍ଥାନିତ କରିବାରେ ସଫଳ ହୋଇଥିଲେ ।
