କୋଟି କୋଟି ସମ୍ପତ୍ତିର ମାଲିକ ଅଜୟ ଦେବଗନ୍, ଜାଣନ୍ତୁ ମାସିକ ରୋଜଗାର କେତେ…
1 min read
ମୁମ୍ବାଇ: ବଲିଉଡର ଟ୍ୟାଲେଣ୍ଟେଡ୍ ଏବଂ ଇଣ୍ଟେନ୍ସ ଅଭିନେତାଙ୍କ ମଧ୍ୟରୁ ସିଙ୍ଘମ ବା ଅଜୟ ଦେବଗନ୍ ଜଣେ । ସେ ତାଙ୍କ କ୍ୟାରିଅରରେ ଏକାଧିକ ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି । ଫିଲ୍ମରେ ଅଭିନୟ କରିବା ପରେ ଏବେ ସେ ନିଜେ ପ୍ରଯୋଜକ ଏବଂ ନିର୍ଦ୍ଦେଶକ ଭାବରେ କାମ କରୁଛନ୍ତି । ଏଥିପାଇଁ ସେ ବଲିଉଡର ସବୁଠାରୁ ଅଧିକ ରୋଜଗାର କରୁଥିବା ଅଭିନେତାଙ୍କ ତାଲିକାରେ ଆସନ୍ତି । ଆଜି ଅଜୟ ଦେବଗନଙ୍କ ଜନ୍ମଦିନରେ ଆମେ ଆପଣଙ୍କୁ ଜଣାଇବୁ ତାଙ୍କ ନେଟ୍ ଓ୍ୱର୍ଥ ବିଷୟରେ । ତେବେ ସେ କେତେ ରୋଜଗାର କରନ୍ତି ଏବଂ କେଉଁ ଗାଡ଼ି ବ୍ୟବହାର କରନ୍ତି ଆସନ୍ତୁ ଆଲୋଚନା କରିବା ।
ରିପୋର୍ଟ ଅନୁସାରେ ଅଜୟଙ୍କ ନେଟ୍ ଓ୍ୱର୍ଥ ୨୯୫ କୋଟି । ତାଙ୍କର ମାସିକ ଦରମା ୨ କୋଟିରୁ ଅଧିକ ଥିବାବେଳେ ରୋଜଗାର ୨୫ କୋଟିରୁ ଅଧିକ । ତେବେ ଅଭିନୟ, ପ୍ରଯୋଜନା ଏବଂ ନିର୍ଦ୍ଦେଶନା ବ୍ୟତୀତ ଅଜୟ ବିଜ୍ଞାପନ ମଧ୍ୟ କରନ୍ତି । ଯେଉଁଥିରୁ ସେ ଭଲ ରୋଜଗାର କରନ୍ତି । ଗତ କିଛି ବର୍ଷ ମଧ୍ୟରେ ଅଜୟଙ୍କ ନେଟ୍ ଓ୍ୱର୍ଥରେ ଖୁବ୍ ପରିବର୍ତ୍ତନ ଆସିଛି ।
ମୁମ୍ବାଇରେ ଅଜୟଙ୍କ ଦୁଇଟି ଘର ରହିଛି । ଗୋଟିଏ ଜୁହୁ ଆପାର୍ଟମେଣ୍ଟରେ ଏବେ ଅନ୍ୟଟି ତାଙ୍କ ଡିଜାଇନର ଲଗଜରୀ ଘର । ଉଭୟ ଘରର ମୂଲ୍ୟ ପ୍ରାୟ ୨୫ କୋଟି ।
ଦାମି ଗାଡ଼ି ଚଲାଇବାକୁ ଅଜୟ ବେଶ୍ ପସନ୍ଦ କରନ୍ତି । ତାଙ୍କ ନିକଟରେ ଟୟୋଟା,ବିଏମଡବ୍ଲୁ,ମର୍ସିଡିଜ୍ ଏବଂ ଫରାରି ଭଳି ଗାଡ଼ି ରହିଛି । ଏହା ବ୍ୟତୀତ କାଜୋଲଙ୍କ ଜନ୍ମଦିନରେ ସେ ଦାମି ଗାଡ଼ି ସବୁ ଉପହାର ଦିଅନ୍ତି ।
ନିକଟରେ ଅଜୟଙ୍କୁ ଫିଲ୍ମ RRRରେ ଦେଖିବାକୁ ମିଳିଛି । ଯାହାର ନିର୍ଦ୍ଦେଶକ ହେଉଛନ୍ତି ଏସ୍.ରାଜାମୌଲି । ପୁନର୍ବାର ଅଜୟଙ୍କୁ ଫିଲ୍ମ ରନଓ୍ୱେ ୩୪ରେ ଦେଖିବାକୁ ମିଳିବ । ଏହି ଫିଲ୍ମରେ ଅଜୟଙ୍କ ସହିତ ବିଗ୍ ବି ଅମିତାଭ ବଚ୍ଚନ ଏବଂ ରକୁଲ ପ୍ରୀତ୍ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମରେ ଅଜୟ ନା କେବଳ ଅଭିନୟ କରିଛନ୍ତି ବରଂ ପ୍ରଯୋଜନା ଏବଂ ନିର୍ଦ୍ଦେଶନା ମଧ୍ୟ ଦେଇଛନ୍ତି । କିଛି ଦିନ ପୂର୍ବରୁ ଏହାର ଟ୍ରେଲର ରିଲିଜ୍ ହୋଇଥିଲା, ଯାହାକୁ ଦର୍ଶକ ଖୁବ୍ ପ୍ରଶଂସା କରିଥିଲେ । ଏହାକୁ ଉତ୍ସାହର ସହିତ ଦର୍ଶକ ଅପେକ୍ଷା କରିଛନ୍ତି ।
ତେବେ କେବଳ ରନଓ୍ୱେ ୩୪ ନୁହେଁ ବରଂ ଅଜୟ ମୈଦାନ,ସର୍କସ,ଥ୍ୟାଙ୍କ୍ ଗଡ୍, ଭୋଲା ଏବଂ ଦୃଶ୍ୟମ ୨ରେ ମଧ୍ୟ ନଜର ଆସିବେ ।
