ବୟସ ୨ ବର୍ଷ, ଦିନକୁ ଦରକାର ୪୦ ସିଗାରେଟ୍

ନନ୍ଦିଘୋଷ ବ୍ୟୁରୋ: ବୟସ ଦୁଇ ବର୍ଷ, ଦିନକୁ ସିଗାରେଟ ଟାଣୁଛି ୪୦  । ୧୮ ମାସରୁ ଆରମ୍ଭ କରିଥିଲେ ସିଗାରେଟ ଟଣା  । ଯେବେ ସିଗାରେଟ ମିଳୁ ନଥିଲା, ମୁଣ୍ଡ ପିଟୁଥିଲେ  । ନିଜକୁ ନିଜେ ଆଘାତ ଦେଉଥିଲେ  । ଏମିତିକି ସିଗାରେଟ ବିନା ପାଗଳପ୍ରାୟ ହୋଇଯାଉଥିଲେ  । ଶେଷରେ ମାଆ ବାପା ବି ବାଧ୍ୟ ହୋଇ ସିଗାରେଟ ଦେଉଥିଲେ  ।

ଇଣ୍ଡୋନେସିଆର ଏହି ପିଲାଟିର ନାଁ ଅର୍ଦ୍ଦି ରିଜାଲ ।  ସୁମାତ୍ରାରେ ରହିଆସନ୍ତି ସପରିବାର  । ମାତ୍ର ଶୈଶବ ସମୟରେ ବନିଯାଇଥିଲା ବଡ଼ ନିଶାଡ଼ୀ  । ଏମିତିକି ଦିନକୁ ଦରକାର ହେଉଥିଲା ୪୦ ସିଗାରେଟ  । ସାତ ବର୍ଷ ତଳେ ଯେବେ ସିଗାରେଟ ଛାଡ଼ିବାର ପ୍ରୟାସ ପରିବାର ଲୋକେ ଆରମ୍ଭ କରିଥିଲେ, ସେବେ ବିଗିଡ଼ି ଯାଇଥିଲା ସମ୍ପୂର୍ଣ୍ଣ ସ୍ୱାସ୍ଥ୍ୟ ସେବା  । ଦେଖିଲେ ବି ଚିହ୍ନିବା ହେଉଥିଲା କଷ୍ଟକର..

୨୦୧୦ ମସିହାରେ ଦୁନିଆ ବ୍ୟାପୀ ଭାଇରାଲ ହୋଇଥିଲା ଅର୍ଦ୍ଦିର ଏକ ଫଟୋ  । ଯେଉଁଥିରେ ଅର୍ଦ୍ଦି ସିଗାରେଟ ଟାଣି ଧୁଆଁ ଛାଡ଼ୁଥିବା ଫଟୋ ଭାଇରାଲ ହୋଇଥିଲା  । ସାତ ବର୍ଷ ତଳେ ସିଗାରେଟ ଟାଣୁଥିବା ଅର୍ଦ୍ଦି ଏବଂ ସେଦିନର ନିଶାଡ଼ି ଅର୍ଦ୍ଦିକୁ ଚିହ୍ନି ହେଉନାହିଁ  । ୨୦୧୭ ମସିହାରେ ଏକ ଗଣମାଧ୍ୟମରେ ପ୍ରତିକ୍ରିୟା ଦେଇ ଅର୍ଦ୍ଦି କହିଥିଲେ, ମୁଁ ସିଗାରେଟ ନଟାଣିଲେ ମୋ ମୁହଁର ରଙ୍ଗ ବଦଳିଯାଉଥିଲା  । ସବୁକିଛି ସ୍ୱାଦହୀନ ଲାଗୁଥିଲା  । କିନ୍ତୁ ଏବେ ମୁଁ ସମ୍ପୂର୍ଣ୍ଣ ଠିକ ଅଛି, ସିଗାରେଟ ଛାଡ଼ି ବହୁତ ଖୁସ…

ସୂଚନା ମୁତାବକ ଅର୍ଦ୍ଦି ମାତ୍ର ୧୮ ମାସ ବୟସରୁ ସିଗାରେଟ ଟାଣିବା ଆରମ୍ଭ କରିଥିଲେ  । ଦିନେ ଅର୍ଦ୍ଦିଙ୍କ ପିତା ସିଗାରେଟକୁ ତାଙ୍କ ମୁହ୍ଁରେ ଲଗାଇଦେଇଥିଲେ  । ଏବଂ ଶିଶୁ ଅର୍ଦ୍ଦି ଟାଣିବା ଆରମ୍ଭ କରିଥିଲା  । ଏହାପରେ ପ୍ରତିଦିନ ସିଗାରେଟ ମାଗୁଥିଲେ ଅର୍ଦ୍ଦି  । ଏମିତିକି ଦିନକୁ ୪୦ଟି ସିଗାରେଟ ଟାଣିବାରେ ଅଭ୍ୟସ୍ତ ହୋଇଯାଇଥିଲେ ସେଦିନର ଅର୍ଦ୍ଦି ରିଜାଲ  ।