ସାବଧାନ !! ରାଜଧାନୀରେ ଲେଡ଼ି ଲୁଟେରା ଗ୍ୟାଙ୍ଗ୍
ଭୁବନେଶ୍ୱର: ସାବଧାନ ରାଜଧାନୀର ମାତିଛନ୍ତି ଅଣ ଓଡିଆ ନାବାଳିକା ଗ୍ୟାଙ୍ଗ । ପ୍ରତି ଛକରେ ବୁଲୁଛନ୍ତି ଛତିଶଗଡର ଏରୋଗୋଲା ଗ୍ୟାଙ୍କର ସଦସ୍ୟ । ମଉକା ଦେଖି ଚୌକା ମାରୁଛନ୍ତି ଗ୍ୟାଙ୍କ ନାବାଳିକା । ଟିକେ ଆନମନା ହେଲା କରୁଛନ୍ତି ପକେଟମାର । ରସୁଲଗଡ ଛକରେ ଜଣେ ଯୁବତୀଙ୍କ ପର୍ସ ଲୁଟ ବେଳେ ନାହଳିକା ଗ୍ୟାଙ୍ଗର କାରନାମ ସାମ୍ନାକୁ ଆସିଛି ।
ଯାଜପୁରର ଜଣେ ଯୁବତୀ ବମିଖାଲ ଯାଉଥିବା ବେଳେ ହଠାତ ୪ ଜଣିଆ ନାବାଳିକା ଗ୍ୟାଙ୍ଗ ତାଙ୍କୁ ଘେରି ଯାଇଥିଲେ । ସଂପୃକ୍ତ ଯୁବତୀ ଜଣଙ୍କୁ ବାହାନା କରି ତାଙ୍କ ପାଖରେ କିଛି ସମୟ ପର୍ଯ୍ୟନ୍ତ ବୁଲିବା ପରେ ମୌକା ଦେଖି ଯୁବତୀଙ୍କ ପର୍ସଟିକୁ ବ୍ୟାଗରୁ କାଢି ନେଇଥିଲେ । ଯୁବତୀ ଜଣଙ୍କର ପର୍ସ ଚୋରି କରିବା ବେଳେ ଅଟୋ ଡ୍ରାଇଭର ନାବାଳିକାକୁ ଧରି ପକାଇଥିଲେ । ଘଟଣା ସ୍ଥାଲରୁ ୩ ଜଣ ନାବାଳିକା ଖସି ପଳାଇଥିଲେ ।
ସେପଟେ ଏନେଇ ଅଟୋ ଡ୍ରାଇଭର ଜଣଙ୍କ ପୋଲିସକୁ ଖବର ଦେବା ପରେ ଘଟଣା ସ୍ଥଳରେ ପିସିଆର ପହଞ୍ଚି ନାବାଳିକା ଗ୍ୟାଙ୍ଗକୁ ଥାନାକୁ ଆଣି ପ୍ରଥମେ ସହିଦନଗର ପରେ ମଞ୍ଚେଶ୍ବର ଥାନାକୁ ସ୍ଥାନାନ୍ତର କରାଯାଇଛି । ପୋଲିସର ସୂଚନା ଅନୁସାରେ ଛତିଶଗଡ କିଛି ଲୋକ ବସଷ୍ଟାଣ୍ଡ, ଅଟୋରେ ଡେରା ପକାଇଛନ୍ତି । ଉପକଣ୍ଠରେ ରହୁଥିବା ବେଳେ ମାଷ୍ଟର ମାଇଣ୍ଡ ଅପରେଟ କରୁଛି । ଏହି ଗ୍ୟାଙ୍ଗକୁ ଧରାଯିବ ବୋଲି ଏସିପି କହିଛନ୍ତି ।
