ଭୁଶୁଡ଼ିଲା ସେୟାର ମାର୍କେଟ, ୪୩୦ ପଏଣ୍ଟ ତଳକୁ ଖସିଛି ନିଫଟି

ନୂଆଦିଲ୍ଲୀ: ଭୁଶୁଡ଼ିଲା ସେୟାର ମାର୍କେଟ୍‌। ଆଜି ସକାଳୁ ବଜାର ଖୋଲିବା ପରଠାରୁ ସେୟାର ମାର୍କେଟ ତଳମୁହାଁ ହୋଇଛି। ସେନସେକ୍ସ ୧୪ଶହ ଅଙ୍କ ତଳକୁ ଖସିଥିବା ବେଳେ ନିଫଟି ୪୩୦ ପଏଣ୍ଟ ତଳକୁ ଖସିଛି। ସେନସେକ୍ସରେ ମାରୁତିର ସେୟାର ସବୁଠୁ ଅଧିକ ହ୍ରାସ ପାଇଛି। ବିଶ୍ୱର ବିଭିନ୍ନ ଦେଶରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ସେୟାର ମାର୍କେଟ ଡାଉନ ହୋଇଛି।

ସେନସେକ୍ସ ଓ ନିଫ୍ଟିରେ ସବୁ ଔଷଧ କମ୍ପାନୀ ଗ୍ରୀନ୍ ଜୋନରେ ରହିଛି। ମାତ୍ର ଅଟୋ ମୋବାଇଲ, ଷ୍ଟିଲ, ଫାଇନାନ୍ସ କମ୍ପାନୀଗୁଡ଼ିକର ସେୟାର ଲଗାତାର ହ୍ରାସ ପାଉଛି। ଗୁରୁବାର ମାର୍କେଟ ୫୮ହଜାର ୭୯୫ରେ ପଏଣ୍ଟରେ ବନ୍ଦ ହୋଇଥିଲା। ହେଲେ ଆଜିସକାଳୁ ୭୨୦ ପଏଣ୍ଟ ଖସି ମାର୍କେଟ ଖୋଲିଥିଲା। HDFC, ICICI ବ୍ୟାଙ୍କ, କୋଟାକ ମହିନ୍ଦ୍ରା ବ୍ୟାଙ୍କ, ଇନଫୋସିସ୍, ରିଲାଏନ୍ସ ଇଣ୍ଡଷ୍ରିଜର ସେୟାର ଲଗାତାର ହ୍ରାସ ପାଉଛି।