ଅଟକିଲେନି ଯୁବକ, ଦେଖୁ ଦେଖୁ ମାଡ଼ିଗଲା ଟ୍ରେନ
ବାଲେଶ୍ୱର: ମୃତ୍ୟୁର ଲାଇଭ୍ ଦୃଶ୍ୟ । ଯାହା ଆପଣଙ୍କ ଛାତି ଥରାଇଦେବ । ଟ୍ରେନ୍ ଆଗରେ ଛିଡା ହେଉଛନ୍ତି ଜଣେ ଯୁବକ । ଦେଖୁ ଦେଖୁ ଟ୍ରେନ୍ ମାଡି ଆସୁଛି । ମାତ୍ର କିଛି ସମୟ ମଧ୍ୟରେ ଟ୍ରେନଟି ଯୁବକଙ୍କୁ ମାଡି ଚାଲିଯାଉଛି । ଯୁବକଙ୍କୁ ପାଖରେ ଥିବା ଲୋକ ଅଟକାଇବା ପାଇଁ ଉଦ୍ୟମ କରୁଥିଲେ ମଧ୍ୟ ବିଫଳ ହେଉଛନ୍ତି । ଆତ୍ମହତ୍ୟାର ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେଉଛି ।
ଏପରି ହୃଦୟ ଵିଦାରକ ଦୃଶ୍ୟ ଦେଖି ଵାକୁ ମିଳିଛି ହାଇଦ୍ରାବାଦ ରେଳ ଷ୍ଟେସନରେ । ଆତ୍ମହତ୍ୟା କରିଥିବା ଯୁଵକ ହେଉଛନ୍ତି ଵାଲେଶ୍ୱର ଜିଲ୍ଲା ଖଇରା ଥାନା ବଟେଶ୍ୱର ଗ୍ରାମର ଅନିରୁଦ୍ଧ ଵେହେରାଙ୍କ ବଡ଼ ପୁଅ ଵୁଲୁ । ବୁଲୁଙ୍କ ଦାଦା ହାଇଦ୍ରାବାଦରେ ଦୋକାନ କରୁଥିବାବେଳେ ସେ ୩ ଦିନ ପୂର୍ବରୁ ସେଠାକୁ ବୁଲିବାକୁ ଯାଇଥିଲେ । ଗତକାଲି ଅପରାହ୍ନରେ ଏପରି ଘଟଣା ଘଟିଛି । ଖବରପାଇ ବାପା ଓ ମା ହାଇଦ୍ରାବାଦ ଯାଇଛନ୍ତି । ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି ।
