ତାମିଲନାଡୁରେ ଜଳ ପ୍ରଳୟ; ୧୪ ମୃତ

ଚେନ୍ନାଇ: ତାମିଲନାଡୁରେ ବର୍ଷା ବିତ୍ପାତ । ପ୍ରବଳ ବର୍ଷା ଯୋଗୁ ତାମିଲନାଡୁରେ ଜଳ ପ୍ରଳୟ ସୃଷ୍ଟି ହୋଇଛି । ରାଜ୍ୟ ସାରା ଯୁଆଡେ ଦେଖିବେ ପାଣି ଆଉ ପାଣି । ଘର-ବାହାର, ରାସ୍ତାଘାଟ ସବୁଠି ଖାଲି ପାଣି ଆଉ ପାଣି  । ଗତ ୫ ଦିନ ତାମିଲନାଡୁରେ ଲାଗି ରହିଥିବା ବର୍ଷା ଫଳରେ ଅସ୍ତବ୍ୟସ୍ତ ହୋଇପଡିଛି ଜନଜୀବନ । ଦୋକାନ ବଜାରଠାରୁ ଆରମ୍ଭ କରି ହସ୍ପିଟାଲ ପର୍ଯ୍ୟନ୍ତ ସବୁଠାରେ ଦେଖିବାକୁ ମିଳୁଛି ଜଳ ପ୍ରଳୟ ।  ଲଗାତର ବର୍ଷା ଫଳରେ ୧୪ ଜଣ ମୃତ୍ୟୁ ବରଣ କରିଛନ୍ତି । ତେବେ ଲଗାତର ପ୍ରବଳ ବର୍ଷା ଯୋଗୁଁ ବିଭିନ୍ନ ସ୍ଥାନରେ ବନ୍ଦ ରହିଛି ବିଦ୍ୟୁତ ସରବରାହ । ତେବେ ଲଗାଣ ବର୍ଷା ଫଳରେ ତଳିଆ ଅଞ୍ଚଳରେ ରହୁଥିବା ଲୋକ ବହୁ ପ୍ରଭାବିତ ହୋଇଛନ୍ତି । ତଳିଆ ଅଞ୍ଚଳରେ ଯୁଦ୍ଧକାଳୀନ ଭିତ୍ତିରେ ଚାଲିଛି ଉଦ୍ଧାର କାର୍ଯ୍ୟ  । ତଳିଆ ଅଞ୍ଚଳରୁ ଉଦ୍ଧାର କାର୍ଯ୍ୟ ପାଇଁ ୧୧ ପ୍ଲାଟୁନ୍‌ ଏନଡିଆରଫ ଟିମ୍‌ ଉଦ୍ଧାର କାର୍ଯ୍ୟ ଲାଗିଥିବା ବେଳେ କେବଳ ଚେନ୍ନାଇ ସହରରେ ୫ଟି ଏନଡିଆରଫ ଟିମ୍ ନିୟୋଜିତ ହୋଇଛନ୍ତି ।

ତେବେ ଯେଉଁମାନେପାଣିଘେରରେ ଥିବା ଲୋକଙ୍କୁ ସରକାରଙ୍କ ତରପରୁ ରନ୍ଧା ଖାଦ୍ୟ ବଣ୍ଟନ କରାଯାଉଛି । ସେପଟେ ଲଘୁଚାପ ପାଇଁ ଚେନ୍ନାଇ ସହ ୯ଟି ଜିଲ୍ଲାକୁ ରେର୍ଡ ଆଲର୍ଟ ଜଜାରି କରିଛି ଭାରତୀୟ ପାଣିପାଗ ବିଭାଗ । ପ୍ରବଳ ବର୍ଷା ସାଙ୍ଗକୁ ପବନ ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ତେବେ ଆଉ ଏକ ଲଘୁଚାପ ଆସୁଛି ବୋଲି ଆଇଏମଡି ଆକଳନ କରିବା ପରେ ତାମିଲାନାଡୁରେ ଚିନ୍ତା ବଢ଼ିଯାଇଛି ।