ଆଜିଠୁ ଦୁଇ ଦିନିଆ ରିମାଣ୍ଡରେ KBN ଗ୍ରୁପର ୪ ଅଭିଯୁକ୍ତ
1 min read
ଭୁବନେଶ୍ୱର: ରାଜଧାନୀରେ କେବିଏନ ଗ୍ୟାଙ୍ଗର ଭିଡିଓ ଭାଇରାଲ ମାମଲାରେ ଗିରଫ ହୋଇଥିବା ୪ ଅଭିଯୁକ୍ତ ଦୁଇ ଦିନିଆ ରିମାଣ୍ଡରେ ଯିବେ । ଆଜିଠୁ ୨ ଦିନିଆ ରିମାଣ୍ଡରେ ନୟାପଲ୍ଲି ଥାନା ପୋଲିସ ନେବ। ୭ ଦିନିଆ ରିମାଣ୍ଡ ପାଇଁ ଆବେଦନ କରିଥିବା ବେଳେ ୨ ଦିନ ପାଇଁ ଅନୁମତି ଦେଇଛନ୍ତି ଏସଡିଜେଏମ କୋର୍ଟ।
୪ ଅଭିଯୁକ୍ତ ମଧ୍ୟରେ ରହିଛନ୍ତି ରାହୁଲ ଜେନା, ରାଜେଶ ବେହେରା, ଶୁଭମ ପରିଡା ଓ ସନାତନ ବେହେରା। କେବେଠୁ ଗ୍ୟାଙ୍ଗ ତିଆରି ହୋଇଛି? ଏହା ପଛର ଉଦ୍ଦେଶ୍ୟ କଣ ? କେଉଁ କେଉଁ ସ୍ଥାନରେ ଭିଡିଓ କରଛନ୍ତି? ମୁଖ୍ୟ ଅଭିଯୁକ୍ତ ବୁବୁ ଜେନା ସହ ଅନ୍ୟମାନେ କେଉଁଠି ଅଛନ୍ତି । ସେମାନଙ୍କୁ ଏମିତି ଅନେକ ପଚରାଉଚରା କରିପାରେ ପୋଲିସ ।
ତେବେ ମାରଣାସ୍ତ୍ର ଧରି ଭିଡିଓ କରିବା ଏବଂ ତାକୁ ଭାଇରାଲ କରି ଲୋକଙ୍କ ଭିତରେ ଭୟ ସୃଷ୍ଟି କରିବା ପରେ କମିଶନରେଟ ପୋଲିସ୍ କେବିଏନ୍ ଗ୍ୟାଙ୍ଗ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛି । କେବିଏନ୍ ଗ୍ୟାଙ୍ଗର ଭିଡିଓ ଭାଇରାଲ ହେବା ପରେ ମୋଟ ୨୯ ଜଣକ ନାଁରେ ମାମଲା ରୁଜୁ କରିଛି କମିଶନରେଟ ପୋଲିସ୍ । ସେପଟେ ଏହି ମାମଲାରେ ମୋଟ୍ ୯ଜଣ ଗିରଫ ହୋଇଛନ୍ତି ।
ଅଧିକ ପଢନ୍ତୁ- କେବିଏନ୍ ଓ ପବ୍ଲିକ ଷଣ୍ଢ ଗ୍ରୁପ ପରେ ଏବେ ବାହାରିଲା ବଲାଙ୍ଗୀରର କିଙ୍ଗ୍ ଗ୍ରୁପ
