ମତ୍ସ୍ୟ ଉତ୍ପାଦନରେ ରେକର୍ଡ: ଦେଶରେ ଚତୁର୍ଥ ସ୍ଥାନ ହାସଲ କଲା ଓଡ଼ିଶା
ଭୁବନେଶ୍ୱର: ମତ୍ସ୍ୟ ଉତ୍ପାଦନରେ ଦେଶରେ ଚତୁର୍ଥ ସ୍ଥାନ ଅଧିକାର କରିଛି ଓଡ଼ିଶା । ୨୦୦୦ ମସିହାରେ ରାଜ୍ୟରେ ୧ ଲକ୍ଷ ୨୦ ହଜାର ମେଟ୍ରିକ୍ ଟନ୍ ମାଛ ଉତ୍ପାଦନ ହେଉଥିଲା । ହେଲେ ମତ୍ସ୍ୟ ଉତ୍ପାଦନରେ ରାଜ୍ୟକୁ ସ୍ବାବଲମ୍ବୀ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୂଆ ମତ୍ସ୍ୟ ନୀତି ଆଣିଛନ୍ତି । ମାଛ ଚାଷ ପାଇଁ ଆଧୁନିକ ପଦ୍ଧତି ସହ ଅନେକ ଯୋଜନା କାର୍ଯ୍ୟକାରୀ ହେଉଛି । ଏଥିପାଇଁ ରାଜ୍ୟ ସରକାର ପ୍ରୋତ୍ସାହନ ଯୋଗାଇ ଦେଉଛନ୍ତି । ମତ୍ସ୍ୟଜୀବୀମାନଙ୍କ କଲ୍ୟାଣ ପାଇଁ ବିଭିନ୍ନ ଯୋଜନା କରିବା ସହିତ ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ବି ମାଛ ଉତ୍ପାଦନ ପାଇଁ ସହାୟତା ଯୋଗାଇ ଦିଆଯାଉଛି । ଫଳରେ ୨୦ ବର୍ଷ ପରେ ରାଜ୍ୟରେ ମାଛ ଉତ୍ପାଦନ ୮ ଲକ୍ଷ ୮୦ ହଜାର ମେଟ୍ରିକ୍ ଟନ୍ରେ ପହଞ୍ଚିଛି । ବିଦେଶକୁ ମାଛ ରପ୍ତାନିରେ ରେକର୍ଡ଼ କରିଛି ରାଜ୍ଯ । ବୈଦେଶିକ ମୁଦ୍ରା ପାଣ୍ଠି ବୃଦ୍ଧିରେ ଓଡ଼ିଶା ସହାୟକ ହୋଇପାରିଛି ।
