ମାଛର ନା ତେଲିଆ ପୋଡା, ଦାମ୍ ହେଉଛି ୩୬ ଲକ୍ଷ ୫୩ ହଜାର ଟଙ୍କା
କଲିକତା: ମାଛ ପାଇଁ ନିଲାମି ଡାକରା। ଲକ୍ଷେ ନୁହେଁକି ୨ ଲକ୍ଷ ନୁହେଁ। ୩୬ ଲକ୍ଷ ୫୩ ହଜାର ଟଙ୍କାରେ ବିକ୍ରି ହେଲା ବିଶାଳକାୟ ମାଛ। ଟ୍ରକ୍ ଟ୍ରକ୍ ମାଛ ପାଇଁ ଆପଣମାନେ ନିଲାମ ହେଉଥିବାର ଯାଣିଥିବେ। ହେଲେ ଗୋଟିଏ ମାଛ ପାଇଁ ନିଲାମ କେବେ ଶୁଣି ନଥିବେ। ହିଁ ଆଜ୍ଞା, ଏଭଳି ଏକ ମାଛ ଯାହା ଦେଖିଲେ ଆପଣମାନେ ଆଶ୍ଚର୍ଯ୍ୟ ହୋଇଯିବେ। ପଶ୍ଚିମବଙ୍ଗ ସୁନ୍ଦରବନ ଅଞ୍ଚଳର ୫ଜଣ ମତ୍ସ୍ୟଜୀବୀ ମାଛ ଧରିବା ବେଳେ ଜାଲରେ ପଡିଥିଲା ୧ କ୍ୱିଣ୍ଟାଲ ୧୮ କେଜି ଓଜନର ଏହି ବିଶାଳକାୟ ମାଛ।
ମାଛଟିର ନାଁ ତେଲିଆ ପୋଡା। ଜାଲରେ ମାଛଟି ପଡ଼ିବା ପରେ ଏହାକୁ ବଜାରରେ ବିକ୍ରି ପାଇଁ ନିଆଯାଇଥିଲା। ଯାହାକୁ ଦେଖିବାକୁ ଲୋକଙ୍କ ଭିଡ ଜମିବା ସହ ନିଲାମି ଡକାଯାଇଥିଲା। ଶେଷରେ ଜଣେ ବ୍ୟବସାୟୀ ମାଛଟିକୁ ୩୬ଲକ୍ଷ ୫୩ ହଜାର ଟଙ୍କାରେ କିଣି ନେଇଥିଲେ। ଏତେବଡ଼ ମାଛକୁ ଦେଖି ଆଶ୍ଚର୍ଯ୍ୟ ଚକିତ ହୋଇଯାଇଥିଲେ ଲୋକ।
