ଅଭିନେତ୍ରୀ କଙ୍ଗନା ରଣାୱତଙ୍କ ଟୁଇଟର ଆକାଉଣ୍ଟ ସସପେଣ୍ଡ

ମୁମ୍ବାଇ: ଅଭିନେତ୍ରୀ କଙ୍ଗନା ରଣାୱତଙ୍କ ଟୁଇଟର ଆକାଉଣ୍ଟ ସସପେଣ୍ଡ । ପଶ୍ଚିମବଙ୍ଗ ନିର୍ବାଚନ ନେଇ ମମତା ବାନାର୍ଜୀଙ୍କୁ ଟିପ୍ପଣୀ ଦେଇଥିଲେ କଙ୍ଗଣା । ଏଥିପାଇଁ ତାଙ୍କ ଟୁଇଟର ଆକାଉଣ୍ଟକୁ ଅଫିସାଆଲି ବାତିଲ କରାଯାଇଛି । ସୂଚନା ଅନୁସାରେ ପଶ୍ଚିମବଙ୍ଗ ନିର୍ବାଚନ ନେଇ ମମତା ବାନାର୍ଜୀଙ୍କୁ କଡ଼ା ଶବ୍ଦରେ ସମାଲୋଚନା କରିଥିଲେ କଙ୍ଗନା । ଏଥିପାଇଁ ବହୁ ୟୁଜର୍ସ କଙ୍ଗନାଙ୍କୁ କଡ଼ା ଜବାବ ମଧ୍ୟ ଦେଇଥିଲେ । ତେବେ ଏଥିପାଇଁ ତାଙ୍କ ଟୁଇଟର ଆକାଉଣ୍ଟ ବାତିଲ କରାଯାଇଛି ।

ପଶ୍ଚିମବଙ୍ଗ ନିର୍ବାଚନ ଫଳାଫଳ ଆସିବା ପରେ କଙ୍ଗନା ଲଗାତାର ଭାବେ ଏହାକୁ ନେଇ ଟ୍ୱିଟ କରିଆସୁଥିଲେ । ସେ ଟିଏମସି ଦଳ ସହ ମମତାଙ୍କ ବିରୋଧରେ ଟିପ୍ପଣୀ ଦେଇଥିଲେ । କଙ୍ଗନା ଏକ ଭିଡିଓ ମଧ୍ୟ ସେୟାର କରିଥିଲେ ଯେଉଁଥିରେ ନିର୍ବାଚନ ପରେ ଟିଏମସି ବିଜେପି ଦଳର ମହିଲା ମାନଙ୍କୁ ମାଡପିଟ କରିଥିଲେ । ଏହି ଭିଡିଓ ଟ୍ୱିଟ କରିବା ପରେ କଙ୍ଗନାଙ୍କୁ ୟୁଜର୍ସମାନେ ଖୁବ କଥା ମଧ୍ୟ ଶୁଣାଇଥିଲେ ।

ଶିବସେନାଙ୍କୁ ମଧ୍ୟ ଅନେକ କଥା କହିଥିଲେ କଙ୍ଗନା

ରାଜନୀତି ଉପରେ କଙ୍ଗନାଙ୍କ ବୟାନବାଜି କିଛି ନୂଆ କଥା ନୁହେଁ । ଟିଏମସି ପୂର୍ବରୁ କଙ୍ଗନା ମହାରାଷ୍ଟର ସିବସେନା ସରକାର ବିରୋଧରେ ମଧ୍ୟ ଖୁବ ଟିପ୍ପଣୀ କରିଥିଲେ । କୁହାଯାଉଛି କଙ୍ଗନାଙ୍କ ଏହିସବୁ ବୟାନବାଜିକୁ ଆଖି ଆଗରେ ରଖି ତାଙ୍କ ଟ୍ୱିଟର ଆକାଉଣ୍ଟକୁ ସସପେଣ୍ଡ କରାଯାଇଛି ।