7th Pay Commission: ଜୁଲାଇ ୨୦୨୧ରୁ ବଢିପାରେ ମହଙ୍ଗା ଭତ୍ତା!
1 min read
ନୂଆଦିଲ୍ଲୀ: ସରକାରୀ କର୍ମଚାରୀଙ୍କୁ କେନ୍ଦ୍ର ପକ୍ଷରୁ ମିଳିପାରେ ବଡ଼ ଖୁସି ଖବର । ସୂଚନା ଅନୁଯାୟୀ, ଜୁଲାଇ ମାସରେ ମହଙ୍ଗା ଭତ୍ତାକୁ ୩ ପ୍ରତିଶତ ବୃଦ୍ଧି କରାଯାଇପାରେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖୁବ୍ ଶୀଘ୍ର ବର୍ଦ୍ଧିତ ଡିଏକୁ ଅନୁମୋଦନ କରିବେ ବୋଲି ଆଶା କରାଯାଉଛି। ଜାନୁୟାରୀ ୨୦୨୧ରୁ ମେ ୨୦୨୧ର ଅଲ ଇଣ୍ଡିଆ କନଜ୍ୟୁମର ପ୍ରାଇସ୍ ଇଣ୍ଡେକ୍ସ (AICPI) ଆସିବାକୁ ଯାଉଛି।
ତେବେ ଏଭଳି ସମୟରେ ଆଶା କରାଯାଉଛି ଯେ କେନ୍ଦ୍ର ଏହି ତଥ୍ୟକୁ ଆଧାର କରି ଜୁଲାଇ ୨୦୨୧ର ଦରମାରେ ଡିଏକୁ ୩ ପ୍ରତିଶତ ବୃଦ୍ଧି କରିପାରେ।
ସେପ୍ଟେମ୍ବରରେ ମିଳିବ ୩୧ ପ୍ରତିଶତ ମହଙ୍ଗା ଭତ୍ତା-
ଜାନୁଆରୀ ୨୦୨୦ରେ କେନ୍ଦ୍ର ସରକାର ମହଙ୍ଗା ଭତ୍ତାକୁ ୪ ପ୍ରତିଶତ ବୃଦ୍ଧି କରିଥିଲେ। ପରେ ସେହି ବର୍ଷ ଆଉ ୩ ପ୍ରତିଶତ ବୃଦ୍ଧି କରାଯାଇଥିଲା। ଏହା ପରେ ଜାନୁଆରୀ ୨୦୨୧ରେ ଡିଏ ୪% ବୃଦ୍ଧି କରାଯାଇଥିଲା । ହେଲେ କର୍ମଚାରୀମାନେ ୧୭ ପ୍ରତିଶତ ପୁରୁଣା ହାରରେ ଡିଏ ପାଉଥିଲେ। କିନ୍ତୁ କରୋନା ସଙ୍କଟ ଯୋଗୁଁ ବର୍ଦ୍ଧିତ ଡିଏକୁ ବନ୍ଦ କରାଯାଇଥିଲା । ସରକାର ଜୁନ୍ ୨୦୨୧ପାଇଁ ଜୁଲାଇରେ ଡିଏ ଘୋଷଣା କରିପାରନ୍ତି । ବର୍ତ୍ତମାନ ଅଲ ଇଣ୍ଡିଆ କନଜ୍ୟୁମର ପ୍ରାଇସ୍ ଇଣ୍ଡେକ୍ସ ତଥ୍ୟ ପରେ କେନ୍ଦ୍ର ଡିଏକୁ ୩ ପ୍ରତିଶତ ବୃଦ୍ଧି କରିପାରିବ। ଏଭଳି ହେଲେ କେନ୍ଦ୍ରୀୟ କର୍ମଚାରୀମାନେ ସେପ୍ଟେମ୍ବର ୨୦୨୧ର ବେତନରେ ୩୧ ପ୍ରତିଶତ DA ପାଇପାରିବେ ।
