ପିଲା ଦିନର ସ୍ମୃତି ସାଉଁଟିଲେ, ସ୍କୁଲରେ ବାସ୍କେଟବଲ ଖେଳିଲେ

କୋରାପୁଟ:  ସ୍କୁଲରେ ବାସ୍କେଟବଲ ଖେଳିଲେ । ପିଲା ଦିନର ସ୍ମୃତି ସାଉଁଟିଲେ ଫାଇଭ-ଟି ସଚିବ ଭି.କେ ପାଣ୍ଡିଆନ୍ । କୋରାପୁଟ ଗସ୍ତରେ ଅଛନ୍ତି ଫାଇଭ-ଟି ସଚିବ । ଆଜି ସେ ୫-T କାର୍ଯ୍ୟକ୍ରମରେ ରୂପାନ୍ତରିତ ହୋଇଥିବା ଆଉଁଳି ଉଚ୍ଚପ୍ରାଥମିକ ସ୍କୁଲ ପରିଦର୍ଶନରେ ଯାଇଥିଲେ । ଆଦିବାସୀ ଅଧ୍ୟୁଷିତ ଆଉଁଳିର ଏହି ସ୍କୁଲରେ ଛାତ୍ରଛାତ୍ରୀଙ୍କ ପାଇଁ ତିଆରି ହୋଇଥିବା ବାସ୍କେଟବଲ କୋର୍ଟ ବୁଲି ଦେଖିଥିଲେ ।

ସ୍କୁଲର ଛାତ୍ରଛାତ୍ରୀମାନେ ଦୈନିକ ଏଠାରେ ବାସ୍କେଟବଲ ପ୍ରାକଟିସ କରନ୍ତି । ଏହି ସ୍କୁଲ ପରିଦର୍ଶନ ସମୟରେ ନିଜେ ଫାଇଭ-ଟି ସଚିବ ପଡିଆକୁ ଓହ୍ଲାଇଥିଲେ । ଆଉ ବଲକୁ ଡ୍ରିବଲିଂ କରି ବାସ୍କେଟବଲ ରିଙ୍ଗକୁ ବଲ ଥ୍ରୋ କରିଥିଲେ । ୩-୪ ଥର ଖେଳିବା ପରେ ସେ ସ୍କୁଲ ଛାତ୍ରଛାତ୍ରୀଙ୍କ ସହ ଡ୍ରଇଂ କରିଥିଲେ । ଛାତ୍ରଛାତ୍ରୀଙ୍କ ସହ କିଛି ସମୟ କଟାଇବା ପରେ ସେଲଫି ନେଇଥିଲେ ।