ପ୍ରଥମ ଥର ଋଷ-ୟୁକ୍ରେନ ମଧ୍ୟରେ ବଡ଼ଧରଣର ଯୁଦ୍ଧବନ୍ଦୀ ବିନିମୟ, ୨୦୦ ପଣବନ୍ଦୀ ମୁକ୍ତ
1 min read
People climb on a destroyed Russian tank during an open-air exhibition of destroyed military vehicles near St. Michael's Golden-Domed Monastery in Kyiv on October 16, 2022, amid the Russian invasion of Ukraine. (Photo by Yasuyoshi CHIBA / AFP)
କିଭ: ପ୍ରଥମ ଥର ଲାଗି ଋଷ-ୟୁକ୍ରେନ ମଧ୍ୟରେ ବଡ଼ଧରଣର ଯୁଦ୍ଧବନ୍ଦୀ ବିନିମୟ । ପ୍ରାୟ ୨୨ ମାସ ଧରି ଯୁଦ୍ଧ ଚାଲିଥିବାବେଳେ ପ୍ରଥମ ଥର ଲାଗି ଏହି ବଡ଼ଧରଣର ବନ୍ଦୀ ବିନିମୟ ହୋଇଛି । ବୁଝାମଣା ଅନୁସାରେ ଉଭୟ ପକ୍ଷ ୨୦୦ରୁ ଅଧିକ ଲେଖାଏ ଯୁଦ୍ଧବନ୍ଦୀ ବିନିମୟ କରିଛନ୍ତି । ଏନେଇ ସୂଚନା ଦେଇଛନ୍ତି ଋଷ ପ୍ରତିରକ୍ଷା ମନ୍ତ୍ରାଳୟ ଓ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କି ।
ୟୁକ୍ରେନର ମାନବାଧିକାର ଅମ୍ବୁଡସମ୍ୟାନ ଦିମିତ୍ରୋ ଲୋବିନେଟସ୍ କହିଛନ୍ତି- ଋଷରେ ବନ୍ଦୀ ଥିବା ୨୩୦ ୟୁକ୍ରେନ ସୈନ୍ୟ ମୁକୁଳିଛନ୍ତି । ଦୁଇ ପକ୍ଷ ମଧ୍ୟରେ ଏହା ହେଉଛି ୪୯ତମ ଯୁଦ୍ଧବନ୍ଦୀ ବିନିମୟ । ସେପଟେ ଋଷ ପ୍ରତିରକ୍ଷା ମନ୍ତ୍ରାଳୟ କହିଛି- ତାଙ୍କ ଦେଶର ୨୪୮ ସୈନ୍ୟଙ୍କୁ ମୁକୁଳାଯାଇଛି । ସଂଯୁକ୍ତ ଆରବ ଏମିରିଟେସର ମଧ୍ୟସ୍ଥତା କ୍ରମେ ଏହି ବନ୍ଦୀ ବିନିମିୟ କାର୍ଯ୍ୟକ୍ରମ ହୋଇଛି ।
