ଯାଜପୁରରେ ବଢ଼ୁଛି ସଂକ୍ରମିତଙ୍କ ସଂଖ୍ୟା, ପୁଣି ୨ କରୋନା ଚିହ୍ନଟ
ଭୁବନେଶ୍ୱର: ରାଜ୍ୟରେ ବଢ଼ିବାକୁ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ପ୍ରତିଦିନ ରାଜ୍ୟରେ କରୋନା ସଂକ୍ରମଣ ଚିହ୍ନଟ ହେଉଛନ୍ତି । ଫେରନ୍ତାଙ୍କ ଚିନ୍ତାରେ ଘାଣ୍ଟି ହେଉଛି ପୁରା ରାଜ୍ୟ । ସେ ଯାଜପୁର ହେଉ କି ବାଲେଶ୍ୱର, ଅଧିକାଂଶ ସଂକ୍ରମିତଙ୍କ ମଧ୍ୟରେ କଲିକତା ଲିଙ୍କ୍ ରହୁଛି । ଆଜି ବାଲେଶ୍ୱର ଏବଂ ବଲାଙ୍ଗିରରୁ ସଂକ୍ରମିତ ଚିହ୍ନଟ ହେବା ପରେ ପୁଣି ଥରେ ଯାଜପୁରରୁ ଆହୁରି ୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ।
କେନ୍ଦ୍ର ଜାରି କଲା ରେଡ୍ ଜୋନ ତାଲିକା, ଜାଣନ୍ତୁ କେଉଁ ଜୋନରେ ଅଛି ରାଜ୍ୟର କେଉଁ ଜିଲ୍ଲା…
ଚିହ୍ନଟ ହୋଇଥିବା ସଂକ୍ରମିତ ମାନେ ହେଉଛନ୍ତି ଯାଜପୁର କଣ୍ଟେନମେଣ୍ଟ ଜୋନର । ଜଣେ ହେଉଛନ୍ତି କଟିକଟା କଣ୍ଟେନମେଣ୍ଟ ଜୋନର ୭୫ ବର୍ଷୀୟ ମହିଳା । ସେ କଲିକତାରୁ ଫେରିଥିବା ବ୍ୟକ୍ତିଙ୍କ ସଂସ୍ପର୍ଶରେ ଆସିଥିଲେ । ଏବଂ ଦ୍ୱିତୀୟ ସଂକ୍ରମିତ ହେଉଛନ୍ତି ବିରାଜପୁର କଣ୍ଟେନମେଣ୍ଟ ଅଞ୍ଚଳର ୫୫ ବର୍ଷୀୟ ବ୍ୟକ୍ତି । ସେ କଲିକତାରୁ ଫେରିଥିଲେ । ସେପଟେ ଆଜି କିଛି ଘଣ୍ଟା ମଧ୍ୟରେ ମୋଟ ୫ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଯାଜପୁରରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩୮କୁ ବୃଦ୍ଧି ପାଇଛି । ଯଦି ଦେଖିବା ଗତ କାଲି ୨୪ ଘଣ୍ଟା ଭିତରେ ଯାଜପୁରରେ ୧୭ ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ ।
