ମେମୁ ଟ୍ରେନରେ ଅଘଟଣ, ଅତ୍ୟଧିକ ଭିଡରୁ ଖସିପଡିଲେ ୨ ଜଣ

ଭଦ୍ରକ: ଟ୍ରେନ ଛାଡ଼ି ଦେବାରୁ ଖସିପଡିଲେ ୨ ଜଣ । ଯାଜପୁର ଜିଲ୍ଲା ଦୁଲାଖାପାଟଣା ଷ୍ଟେସନରେ ଅଟକିଛି ଡିଏମୟୁ ଟ୍ରେନ । ଟ୍ରେନ ସହ ଗାର୍ଡଙ୍କୁ ଅଟକ ରଖିଛନ୍ତି ଯାତ୍ରୀ । ଆହତ ଦୁଇ ଜଣଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ପ୍ରତିବାଦରେ ବାଲେଶ୍ବର ଭୁବନେଶ୍ବର ମେମୁ ପାସେଞ୍ଜର ଟ୍ରେନକୁ ଅଟକ ରଖିଛନ୍ତି ସ୍ଥାନୀୟ ଲୋକେ । ଦୀର୍ଘ ସମୟ ଧରି ଅଟକି ରହିଛି ମେମୁ ଟ୍ରେନ ।

ଟ୍ରେନରେ ଅତ୍ୟଧିକ ଭିଡ଼ ଯୋଗୁ ଏହି ଅଘଟଣ ଘଟିଥିବା କୁହାଯାଉଛି। ଟ୍ରେନରେ ଚଢୁଥିବା ସମୟରେ ଅସାବଧାନତା ବଶତଃ ଦୁଇ ଜଣ ଯାତ୍ରୀ ଖସି ପଡ଼ିଥିଲେ। ଭଦ୍ରକ ଓ ଯାଜପୁର ରୋଡରୁ ରେଳ ବିଭାଗ କର୍ମଚାରୀ ଆସି ଆନ୍ଦୋଳନକାରୀଙ୍କ ସହ ଆଲୋଚନା କରିଥିଲେ । ଦୀର୍ଘ ସମୟ ଧରି ଲୋକଙ୍କ ସହ ଆଲୋଚନା ପରେ ରେଳ ଚଳାଚଳ ସ୍ବାଭାବିକ୍ ହୋଇଛି ।