ଦେଶରେ ୧୨୨ ଯବାନଙ୍କୁ କରୋନା, ଏବେ ବି ଆହୁରି ୧୫୦ ଯବାନଙ୍କ ରିପୋର୍ଟକୁ ଅପେକ୍ଷା

ନୂଆଦିଲ୍ଲୀ: ସାରା ଦେଶକୁ ପ୍ରଭାବିତ କରିଛି କରୋନା । ଦିଲ୍ଲୀର ଅବସ୍ଥାରେ କୌଣସି ଉନ୍ନତି ହୋଇନାହିଁ । ଲଗାତାର ଏଠାରେ କରୋନା ସଂକ୍ରମଣଙ୍କ ସଂଖ୍ୟା ବଡ଼ିବାରେ ଲାଗିଛି | ଏଥିରୁ ବାଦ ପଡି ନାହାଁନ୍ତି ଆମ ଦେଶର ବୀର ଯବାନମାନେ । ପୋଲିସ ପରେ ଏବେ କରୋନାରେ ସଂକ୍ରମିତ ହୋଇଛନ୍ତି ସିଆରପିଏଫ ଯବାନ । ଗତକାଲି ସିଆରପିଏଫର ୧୨ ଜଣ ଯବାନ କରୋନାରେ ସଂକ୍ରମିତ ହୋଇଥିବା ଜଣାପଡିଛି ।

କୋଭିଡ୍ ବାହାନାରେ ଡାଏଲିସିସ୍‌, କେମୋଥେରାପି ପାଇଁ ମନା କରିପାରିବେନି ଘରୋଇ ହସ୍ପିଟାଲ

ଯାହାଫଳରେ ସାରା ଦେଶରେ ୧୨୨ ସିଆରପିଏଫ ଯବାନ ଏଯାବତ କରୋନାରେ ସଂକ୍ରମିତ ହୋଇଛନ୍ତି । ଏବେ ବି ଆହୁରି ୧୫୦ ସିଆରପିଏଫ ଯବାନଙ୍କ ରିପୋର୍ଟ ଆସିବା ବାକି ରହିଛି । ପଜିଟିଭ ରିପୋର୍ଟ ଆସିଥିବା ସମୃସ୍ତ ଯବାନ ଦିଲ୍ଲୀର ମୟୂର ବିହାର ସ୍ଥିତ ୩୧ ବାଟାଲିୟନରେ କାର୍ଯ୍ୟରତ ଥିଲେ । ଏବେ ସମସ୍ତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଗତ ୨୮ ତାରିଖରେ ୫୫ ବର୍ଷୀୟ ଜଣେ ସିଆରପିଏଫ ଯବାନ କରୋନାରେ ସହିଦ ହୋଇଥିଲେ, ଘଟଣାରେ ଅସନ୍ତୋଷ ଜାହିର କରିବା ସହ ସିଆରପିଏଫ ଡିଜିଙ୍କୁ ରିପୋର୍ଟ ମାଗିଥିଲା କେନ୍ଦ୍ର ଗୃହ ମନ୍ତ୍ର।ଳୟ ।