Covid-19 Vaccine News: ଆସନ୍ତା ବର୍ଷ ମଧ୍ୟ ଭାଗ ଯାଏଁ ଆସିବନି କରୋନା ଭ୍ୟାକ୍ସିନ୍

1 min read

ଜେନେଭା: ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏବେ କରୋନା ଭ୍ୟାକ୍ସିନକୁ ନେଇ ପୁଣି ବୟାନ ଦେଇଛି । WHO ଅନୁସାରେ ଆସନ୍ତା ବର୍ଷ ମଧ୍ୟ ଭାଗ ଯାଏଁ କରୋନାର ଭ୍ୟାକ୍ସିନ୍ ପ୍ରସ୍ତୁତ ହୋଇପାରିବ ନାହିଁ । ବିଶ୍ୱ ସ୍ୱାସ୍ଥ୍ୟ ସଂଗଠନର ମୁଖପାତ୍ର ମାର୍ଗରେଟ ହୈରିସ କହିଛନ୍ତି- ଏବେ ଯାଏଁ କ୍ଲିନିକାଲ ପରୀକ୍ଷଣ ହୋଇଥିବା ସମସ୍ତ ଔଷଧ କମ୍ପାନୀର ଭ୍ୟାକ୍ସିନ୍ ମଧ୍ୟରୁ ଗୋଟିଏ ବି ଟିକା ୫୦ ପ୍ରତିଶତରୁ ଅଧିକ ସଫଳତା ଦେଇନାହିଁ ।

ଅନ୍ୟପଟେ ଆମେରିକୀୟ ସଂସ୍ଥା ସେଣ୍ଟର ଫର୍ ଡିଜିଜ୍ କଣ୍ଟ୍ରୋଲ ଆଣ୍ଡ ପ୍ରିଭେନସନ୍ (CDC) ଜନସ୍ୱାସ୍ଥ୍ୟ ଏଜେନ୍ସି ଭ୍ୟାକ୍ସିନକୁ ଭରସା ଦେଖାଇଛି । CDC ଅନୁସାରେ ଚଳିତବର୍ଷ ଅକ୍ଟୋବର, ନଭେମ୍ବର ମାସ ମଧ୍ୟରେ ୨ଟି ଭ୍ୟାକ୍ସିନ୍ ପ୍ରସ୍ତୁତ ହୋଇପାରେ । ଗତ ସପ୍ତାହରେ ସିଡିସି ଦ୍ୱାରା ଜନସ୍ୱାସ୍ଥ୍ୟ ସହିତ ଜଡ଼ିତ ସଂସ୍ଥାକୁ ପଠାଯାଇଥିବା ଦସ୍ତାବିଜରେ ଭ୍ୟାକ୍ସିନ୍ ‘A’ ଓ ‘B’ ନାମ ଦିଆଯାଇଛି । ଏଥିରେ ଭ୍ୟାକ୍ସିନ ସହ ଜଡ଼ିତ ବହୁତ ଗୁରୁତ୍ୱପୂର୍ଣ୍ଣ ତଥ୍ୟ ରହିଛି । ଯେମିତିକି ଭ୍ୟାକ୍ସିନ ଉତ୍ପାଦନ ବେଳେ ତାକୁ କେତେ ତାପମାତ୍ରାରେ ରଖାଯିବ । ଭ୍ୟାକ୍ସିନ୍ ପାଇଁ ଦିଆଯାଇଥିବା ମାନଦଣ୍ଡ ମାଡର୍ଣ୍ଣା ଓ ଫାଇଜର ଦ୍ୱାରା ପ୍ରସ୍ତୁତ ଭ୍ୟାକ୍ସିନ୍ ମାନଦଣ୍ଡ ସହ ମେଳ ଖାଉଛି ।

ଏଥିସହ ଆମେରିକାର ଏଷ୍ଟ୍ରାଜେନେକା ଦ୍ୱାରା ପ୍ରସ୍ତୁତ କରାଯାଉଥିବା କରୋନା ଟିକାର ଟ୍ରାଏଲ ତୃତୀୟ ପର୍ଯ୍ୟାୟରେ ପହଞ୍ଚିଛି । କମ୍ପାନୀ ଅନୁସାରେ ଏହି ଭ୍ୟାକ୍ସିନ୍ ଆମେରିକାର ୮୦ଟି ସ୍ଥାନରେ ୩୦ ହଜାର ସ୍ୱେଚ୍ଛାସେବୀଙ୍କ ଦେହରେ ପରୀକ୍ଷଣ କରାଯାଉଛି । ନିକଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଘୋଷଣା କରିଥିଲେ ଏଷ୍ଟ୍ରାଜେନେକା ଭ୍ୟାକ୍ସିନ୍ ତୃତୀୟ ପର୍ଯ୍ୟାୟ ପରୀକ୍ଷଣରେ ପହଞ୍ଚିବା ସହ ଏହା ଭ୍ୟାକ୍ସିନ୍ ସୂଚୀରେ ସାମିଲ୍ ହୋଇଛି । ଯାହାର ଫାଇଦା ଖୁବଶୀଘ୍ର କରୋନା ବିରୋଧୀ ଲଢ଼େଇରେ ମିଳିବ । ଚଳିତ ମାସରେ ଏହି ଭ୍ୟାକ୍ସିନ୍ ବଜାରକୁ ଆସିବା ନେଇ ଆଶା କରାଯାଉଛି ।

Leave a Reply

Your email address will not be published. Required fields are marked *

Close Bitnami banner