ଏଣିକି ଚିଲ୍ଡ୍ରେନ୍‌ କୋର୍ଟ ବିଚାର କରିବେ ପରୀ ହତ୍ୟା ମାମଲା

1 min read
Children Court

ନୟାଗଡ଼: ନୟାଗଡ଼ ନାବାଳିକା ଦୁଷ୍କର୍ମ ଓ ହତ୍ୟା ମାମଲା । ଜୁଭେନାଇଲ ଜଷ୍ଟିସ ବୋର୍ଡରୁ ନୟାଗଡ଼ ଚିଲ୍ଡ୍ରେନ୍‌ କୋର୍ଟକୁ ସ୍ଥାନାନ୍ତର ହେଲା ମାମଲା । ଏଣିକି ଯାହା ଶୁଣାଣି ହେବ ଚିଲ୍ଡ୍ରେନ୍‌ କୋର୍ଟରେ ହେବ । ଆଉ ଯାହା ନିଷ୍ପତି ହେବ ଚିଲ୍ଡ୍ରେନ୍‌ କୋର୍ଟରେ ହେବ । ଚିଲ୍ଡ୍ରେନ୍‌ କୋର୍ଟ ହିଁ ଏହି ମାମଲାର ପ୍ରକୃତ ଉପଯୁକ୍ତ ନିଷ୍ପତି ନେଇପାରିବେ । ଏନେଇ ସୂଚନା ଦେଇଛନ୍ତି ଆଇନଜୀବୀ ବିଷ୍ଣୁ ପ୍ରସନ୍ନ ମହାପାତ୍ର । ସେ ଆହୁରି କହିଛନ୍ତି, ଏଣିକି ଅଭିଯୁକ୍ତ ସରୋଜକୁ ମୃତ୍ୟୁ ଦଣ୍ଡ କିମ୍ବା ଆଜୀବନ କାରାଦଣ୍ଡାଦେଶ ଦିଆଯାଇପାରିବ ନାହିଁ ।  କିନ୍ତୁ ନାବାଳକ ହୋଇଥିଲେ ମଧ୍ୟ ଯଦି ଜଣେ ଜଘନ୍ୟ ଅପରାଧ କରିଥିବ ତେବେ ଚିଲ୍ଡ୍ରେନ୍‌ କୋର୍ଟରେ ମଧ୍ୟ କଠିନ ଦଣ୍ଡାଦେଶ ଦିଆଯାଇପାରିବ । ଏଭଳି ଦଣ୍ଡାଦେଶ ଦିଆଯିବ ଯେଉଁଥିରେ ସେ ନିଜକୁ ସୁଧାରିବ ଏବଂ ମୁଖ୍ୟ ସ୍ରୋତରେ ସାମିଲ ହୋଇପାରିବ ।

‌ସୂଚନାଯୋଗ୍ୟ, ଆଜି ସରୋଜକୁ କଡ଼ା ସୁରକ୍ଷା ବଳୟ ଭିତରେ ଅନୁଗୁଳ ବାଳ ସୁଧାର ଗୃହରୁ ଆଣି ନୟାଗଡ଼ ଜୁଭେନାଇଲ ଜଷ୍ଟିସ୍‌ ବୋର୍ଡ଼ରେ ଚତୁର୍ଥ ଥର ପାଇଁ ହାଜର କରାଯାଇଥିଲା । ଅଭିଯୁକ୍ତ ନାବାଳକର LVA ଟେଷ୍ଟ ପାଇଁ ଆବେଦନର ଆଜି ଶୁଣାଣି କରାଯାଇଛି । ଲେୟାର ଭଏସ ଆନାଲିସିସ୍‌ ଟେଷ୍ଟ ପାଇଁ ଜୁଭେନାଇଲ ଜଷ୍ଟିସ ବୋର୍ଡରେ ଗତ ୧୩ ତାରିଖରେ ଆବେଦନ କରିଥିଲା ଏସଆଇଟି । ଆବେଦନକୁ ଗ୍ରହଣ କରି ବୁଧବାର ଶୁଣାଣି ପାଇଁ ସ୍ଥିର କରିଥିଲେ ଜୁଭେନଇଲ ଜଷ୍ଟିସ ବୋର୍ଡ ।

ଏହା ସହ ହତ୍ୟାକାଣ୍ଡ ସମ୍ପର୍କିତ କିଛି ସାମଗ୍ରୀର ପରୀକ୍ଷା ପାଇଁ ଏସଆଇଟି କରିଥିବା ଆବେଦନକୁ ବୋର୍ଡ ଅନୁମତି ଦେଇଥିଲା । ପୂର୍ବରୁ ଅଭିଯୁକ୍ତର ନାର୍କୋ ଆନାଲିସିସ ଟେଷ୍ଟ ପାଇଁ ଏସଆଇଟି କରିଥିବା ଆବେଦନକୁ ଅନୁମତି ଦେଇ ନଥିଲା ଜୁଭେନାଇଲ ବୋର୍ଡ । ସମ୍ପୃକ୍ତ ନାବାଳକ ରାଜି ନ ହେବାରୁ ବୋର୍ଡ ଅନୁମତି ଦେଇନଥିଲା ।

ପରେ ପରେ ଏସଆଇଟି ଅଭିଯୁକ୍ତର ବ୍ରେନ ମ୍ୟାପିଂ ପାଇଁ ମଧ୍ୟ ଆବେଦନ କରିଥିବା ବେଳେ ଅଭିଯୁକ୍ତ ଏହାକୁ ଗ୍ରହଣ କରି କରିନଥିଲା । ତେବେ ଅଭିଯୁକ୍ତର LVA ଟେଷ୍ଟ ହେବ କି ନାହିଁ ସେ ନେଇ ପ୍ରଶ୍ନ ଉଠୁଛି । ଗତ ଡିସେମ୍ବର ୨୦ ତାରିଖରେ ଏସଆଇଟି ସଂପୃକ୍ତ ନାବାଳକକୁ ଗିରଫ କରିଥିଲା ବେଳେ ୨୧ ତାରିଖରେ ନୟାଗଡ଼ ପୋକ୍ସୋ କୋର୍ଟରେ ହାଜର କରାଇ ୩ ଦିନିଆ ରିମାଣ୍ଡରେ ନେଇଥିଲା । ପରେ ନାବାଳକ ଦର୍ଶାଇ ମାମଲା ଜୁଭେନଇଲ ଜଷ୍ଟିସ ବୋର୍ଡ଼କୁ ସ୍ଥାନାନ୍ତର କରାଇଥିଲେ କୋର୍ଟ ।

Opn Commnet Area

Leave a Reply

Your email address will not be published. Required fields are marked *

Close Bitnami banner