ଜୟଦେବ ଭବନଠାରେ ଚାଖି ଖୁଣ୍ଟିଆଙ୍କ ଜୟନ୍ତୀ ପାଳିତ
ଭୁବନେଶ୍ୱର: ଜୟଦେବ ଭବନ ଠାରେ ରାଜ୍ୟସ୍ତରୀୟ ଚାଖି ଖୁଣ୍ଟିଆଙ୍କ ଜୟନ୍ତୀ ଅନୁଷ୍ଠିତ ହୋଇଯାଇଛି । ମହାନ ବିପ୍ଲବୀ ଚାଖି ଖୁଣ୍ଟିଆଙ୍କୁ ଶ୍ରଦ୍ଧାଞ୍ଜଳି ଦିଆଯିବା ସହ ତାଙ୍କ ସ୍ମୃତି ଉଦ୍ଦେଶ୍ୟରେ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଏହି ସଭା ଆୟୋଜନ ହୋଇଥିଲା ।
ଏହି ଅବସରରେ ସୂଚନା ଓ ଲୋକସମ୍ପର୍କ ମନ୍ତ୍ରୀ ରଘୁନନ୍ଦନ ଦାସ ଭର୍ଚୁଆଲ ମାଧ୍ୟମରେ ଯୋଗଦେଇ ଚାଖି ଖୁଣ୍ଟିଆଙ୍କ ବଳିଦାନ, ତ୍ୟାଗ, ଦେଶପ୍ରେମ ଭାବ ଓ ବୀରତ୍ୱ ବିଷୟରେ ଆଲୋଚନା କରିଥିଲେ ।
ଅନ୍ୟପଟେ ଓଡିଶା ରିଭ୍ୟୁ ଓ ଉତ୍କଳ ପ୍ରସଙ୍ଗର ସମ୍ପାଦକ ଡ଼ ଲେନିନୀ ମହାନ୍ତି , ଚାଖି ଖୁଣ୍ଟିଆଙ୍କ ଦାୟାଦ ହଜୁରୀ ଭୀମସେନ ଖୁଣ୍ଟିଆ, ପୁରୀର ଚାଖି ଖୁଣ୍ଟିଆ ସ୍ମୃତି ସମିତି ପକ୍ଷରୁ ଡ଼ ବସନ୍ତ ପତି ପ୍ରମୁଖ ଏହି ସ୍ମୃତି ସଭାରେ ସାମିଲ ହୋଇ ଚାଖି ଖୁଣ୍ଟିଆଙ୍କ ବୀରତ୍ୱ ବିଷୟରେ ଆଲୋଚନା କରିଥିଲେ ।
