ସୈନିକ ପଠାଇଲେ ସଚେତନତା ବାର୍ତ୍ତା: ଘରେ ରହିବାକୁ ନିଜ ଗ୍ରାମବାସୀଙ୍କୁ କଲେ ଅନୁରୋଧ

1 min read
Spread the love

ଦିଗପହଣ୍ଡି (କାଳୁ ଚରଣ ନାହାକ ): କରୋନା ମୁକାବିଲା ନେଇ ନେତାଙ୍କ ପରେ ଏବେ ଜନତା କରୁଛନ୍ତି ଭର୍ଚୁଆଲ୍ ମିଟିଂ । ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାମାଜିକ ଦୂରତ୍ୱ ରକ୍ଷା ପାଇଁ ବିଭିନ୍ନ ପ୍ରସଂଗରେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ  ଭର୍ଚ୍ୟୁଆଲ୍‌ ମିଟିଂ କରୁଆସୁଛନ୍ତି । ସେହିଭଳି କଂଗ୍ରେସର ପୂର୍ବ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ବିଭିନ୍ନ ପ୍ରସଂଗରେ ଭର୍ଚ୍ୟୁଆଲ୍ ମାଧ୍ୟମରେ ସାମ୍ୱାଦିକମାନଙ୍କ ସହ ଯୋଗାଯୋଗ ସ୍ଥାପନ କରିଛନ୍ତି ।

ଏବେ ଏହି କ୍ରମରେ ସାମିଲ ହୋଇଛନ୍ତି ଗଞ୍ଜାମ ଜିଲ୍ଲା ସାନଖେମୁଣ୍ଡିର ଯୁବ ଗୋଷ୍ଠୀ । ସମ୍ପୃକ୍ତ ଅଞ୍ଚଳରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିଚାଲିଥିବା ବେଳେ ଏହାର ମୁକାବିଲା ନେଇ କରିଛନ୍ତି ବୈଠକ । ସାମାଜିକ ଦୂରତ୍ୱ ରକ୍ଷା ସହ ଭର୍ଚ୍ୟୁଆଲ୍ ମାଧ୍ୟମରେ ଯୋଡ଼ି ହୋଇ ପ୍ରସ୍ତୁତ କରିଛନ୍ତି ରଣନୀତି । ଆଉ ଏଥିରେ ସାମିଲ ହୋଇଛନ୍ତି ଗ୍ରାମ ତଥା ଗ୍ରାମ ବାହାରେ ରହୁଥିବା ସଚେତନ ଯୁବକ ।

ଯେଉଁମାନଙ୍କ ମଧ୍ୟରେ ରହିଥିଲେ  ସମ୍ପୃକ୍ତ ଅଞ୍ଚଳର କିଛି ସୈନିକ । ସେମାନେ ଉଭୟ ଜଳ ଓ ସ୍ଥଳସେନାରେ ଦେଶ ପାଇଁ କାର୍ଯ୍ୟକରୁଛନ୍ତି । ସେମାନେ ମଧ୍ୟ ଆଲୋଚନାରେ ଭାଗ ନେଇ କରୋନାର ଭୟାବହତା ସମ୍ପର୍କରେ ଲୋକଙ୍କୁ ବୁଝାଇବା ସହ ଲୋକଙ୍କୁ ଘରେ ରହିବାକୁ ଅନୁରୋଧ କରିଛନ୍ତି । ଶଙ୍କର ସାହୁ , ମୁନା ପାତ୍ର, ସୁନିଲ ପ୍ରଧାନ, ଅମ୍ୱାରିସ ରାଉତ, ଲଲାଟେନ୍ଦୁ ରାଉତ, ପ୍ରଶାନ୍ତ ସାହୁ, ଶଙ୍କର ଲେଙ୍କା । ଅନ୍ୟମାନଙ୍କ ମଧ୍ୟରେ ଉକ୍ତ ଗ୍ରାମର ସୂର୍ଯ୍ୟ ସାମନ୍ତରାୟ, ସନ୍ତୋଷ ବାଡ଼ତ୍ୟା, ଅଶ୍ୱିନୀ ରାଉତ, ବିଦେଶୀ ନାହାକ, କୋରା ପ୍ରସାଦ ମହାରଣା, ଶ୍ରୀକାନ୍ତ ନାହାକ, ନିକୁଞ୍ଜ ଲେଙ୍କା, ଉତ୍ତମ ମହାନ୍ତି, ସରପଞ୍ଚ ପ୍ରତିନିଧି ସଞ୍ଜୟ ରାଉତଙ୍କ ସହଯୋଗୀ ପ୍ରମୋଦ ଲେଙ୍କା, ପ୍ରକାଶ ନାହାକ, ମନୋଜ ପାଢ଼ୀ ଏଭଳି ଅନେକ ଯୋଗ ଦେଇ ନିଜ ଗାଁ କୁ କରୋନା ମୁକ୍ତ କରିବା ପାଇଁ ଆଲୋଚନା କରିଥିଲେ ।

ସୂଚନା ଯୋଗ୍ୟ,  ଖଲିଙ୍ଗିରେ ପଜିଟିଭ ଚିହ୍ନଟ ହେବା ପରେ ଏବଂ ଜଣେ କରୋନା ରୋଗୀଙ୍କ ମୃତ୍ୟୁ ହେବା ପରେ ଯୁବ ସମାଜ ଏକତ୍ରିତ ହୋଇ ସାମାଜିକ ଦୂରତା ସହ ବୈଠକ କରି ଗାଁକୁ ମୁଖ୍ୟ ରାସ୍ତା ସଂଯୋଗକୁ ସମ୍ପୂର୍ଣ ବନ୍ଦ କରିଥିଲେ । ସାହି ସାହିରେ ବ୍ୟାରିକେଡ୍ କରାଯାଇଥିବା ବେଳେ ଗାଁର ଯୁବପିଢ଼ି ଏବେ ଭିଡ଼ିଓ କଂଫେରେନ୍ସ ଏବଂ ଭିଡ଼ିଓ ବାର୍ତ୍ତାରେ ଗ୍ରାମବାସୀଙ୍କୁ ସଚେତନତ କରିଛନ୍ତି । ଏବଂ ଡାକବାଜି ଯନ୍ତ୍ର ସହାୟତାରେ ଗାଁ ସାରା ବୁଲି ସଚେତନ କରାଇଛନ୍ତି । ଏହି କାର୍ଯ୍ୟକ୍ରମରେ ସରପଞ୍ଚ ପ୍ରତିନିଧି, ବ୍ୟବସାୟୀ, ସରକାରୀ ବେସରକାରୀ କର୍ମଚାରୀ, ବୁଦ୍ଧିଜୀବୀ ସାମିଲ ହୋଇଛନ୍ତି ।

Leave a Reply

Your email address will not be published. Required fields are marked *

Close Bitnami banner