ମରୁଭୂମିରେ ତୁଷାରପାତ: ବରଫର ଧଳା ଚାଦରରେ ଘୋଡ଼େଇ ହେଲା ସାହାର

ତାବୁକ: ବିଶ୍ୱବ୍ୟାପୀ ଅନେକ ଅଞ୍ଚଳ ଅଛି ଯେଉଁଠି ଜାନୁଆରୀ ମାସ ଆସିବା ମାତ୍ରେ ହାଡ଼ଭଙ୍ଗା ଶୀତ ସହ ତୁଷାରପାତ ଆରମ୍ଭ ହୋଇଯାଏ । ଅବଶ୍ୟ ଆଫ୍ରିକା ଏବଂ ମିଡିଲ ଇଷ୍ଟର ମରୁଭୂମୀ ଅଞ୍ଚଳ ଗୁଡ଼ିକରେ ଏପରି ଦେଖିବାକୁ ମିଳିନଥାଏ । କିନ୍ତୁ ଚଳିତ ବର୍ଷ ଆଫ୍ରିକାର ସାହାରା ଅଞ୍ଚଳରେ ଜବରଦସ୍ତ ତୁଷାରପାତ ହେବା ସହ ତାପମାତ୍ରା -୨ ଡିଗ୍ରୀକୁ ଖସିଆସିଛି । ଏହି ଅଞ୍ଚଳ ଗୁଡ଼ିକରେ ଥିବା ବାଲି ଉପରେ ଧଳା ରଙ୍ଗର ବରଫର ଚାଦର ଘୋଡ଼େଇ ହୋଇ ରହିଛି ।

شاهد ‼️
سبحان الله العظيم?❄️
تساقط نادر للثلوج في بللسمر التابعة لمنطقة #عسير
.
"يالله ترزقنا هالشعور بالرياض ?❄️" pic.twitter.com/b594xiZw91

— طقس العرب – السعودية (@ArabiaWeatherSA) January 11, 2021

ସାହାରା ମରୁଭୂମୀ ଉପରେ ବରଫର ଏହି ଧଳା ଚାଦର ଦେଖିବା ପାଇଁ ଜମିଛି ପର୍ଯ୍ୟଟକଙ୍କ ଭିଡ । ଏହାର କିଛି ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ଏହାର ଏକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି, ଯେଉଁଥିରେ ମରୁଭୂମିରେ ତୁଷାରପାତ ହେଉଥିବା ସ୍ପଷ୍ଟ ଦେଖିବାକୁ ମିଳୁଛି ।

ସାହାରାର ଅଇନ୍ ସେଫରାକୁ ମରୁଭୂମିର ଦ୍ୱାର ଦେଶ ବୋଲି କୁହାଯାଏ |  ସମୁଦ୍ର ପତ୍ତନଠାରୁ ପ୍ରାୟ ୧୦୦୦ ମିଟର ଉଚ୍ଚରେ ଅବସ୍ଥିତ ଏହି ଅଞ୍ଚଳ ଆଟଲାସ୍ ମାଉଣ୍ଟେନ୍ ଦ୍ୱାରା ଘେରି ରହିଛି । ସାହାରା ମରୁଭୂମି ଉତ୍ତର ଆଫ୍ରିକାର ଅଧିକାଂଶ ଭାଗରେ ବ୍ୟାପିଛି । ତେବେ ଗତ ହଜାରେ ବର୍ଷ ମଧ୍ୟରେ ଏଠାରେ ତାପମାତ୍ରା ଏବଂ ଆର୍ଦ୍ରତା ମଧ୍ୟରେ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିଛି ।

ଅଇନ୍ ସେଫରାରେ ବର୍ତ୍ତମାନ ମରୁଡ଼ି ପରିସ୍ଥିତି ସୃଷ୍ଟି ହୋଇଛି, କିନ୍ତୁ ୧୫,୦୦୦ ବର୍ଷ ପରେ ଏହି ମରୁଭୂମି ପୁଣି ସବୁଜ ହେବାର ଆଶା କରାଯାଉଛି । ଏଥି ସହିତ, ସାଉଦି ଆରବର ଆସୀର ପ୍ରଦେଶରେ ହୋଇଥିବା ଏହି ବିରଳ ତୁଷାରପାତ ଦେଖି ଏଠାରେ ଥିବା ଲୋକମାନେ ଖୁସି ଏବଂ ଉତ୍ସାହ ପ୍ରକାଶ କରିଛନ୍ତି। ଉଭୟ ପର୍ବତ ଏବଂ ବାଲି ଉପରେ ବରଫର ଏକ ଧଳା ସ୍ତର ସୃଷ୍ଟି ହୋଇଥିବା ଦେଖିବାକୁ ମିଳିଛି ।

ସୂଚନା ଅନୁଯାୟୀ, ଏହି ଅଞ୍ଚଳରେ ପ୍ରାୟ ୫୦ ବର୍ଷ ପରେ ତାପମାତ୍ରା ଏତେ ନିମ୍ନ ସ୍ତରରେ ରେକର୍ଡ କରାଯାଇଛି। ଦକ୍ଷିଣ-ପଶ୍ଚିମ ଅଞ୍ଚଳରେ ତାପମାତ୍ରା ମାଇନସ୍ ଦୁଇ ଡିଗ୍ରୀ ସେଲସିୟସକୁ ଖସି ଆସିଛି । ତେବେ ମରୁଭୂମି ଅଞ୍ଚଳରେ ତୁଷାରପାତ ହେବା ବହୁତ କ୍ୱଚିତ୍, କିନ୍ତୁ ଏହା ନୁହେଁ ଯେ ଏଠାକାର ଲୋକମାନେ ଏହା ବିଷୟରେ ସମ୍ପୂର୍ଣ୍ଣ ଅବଗତ ନୁହଁନ୍ତି। ଏହି ଅଞ୍ଚଳରେ ରାତିରେ ତାପମାତ୍ରା ହଠାତ୍ ତଳକୁ ଖସିଯାଏ ଏବଂ ସକାଳ ଆରମ୍ଭ ହେବା ପୂର୍ବରୁ ତୁଷାରପାତରୁ ବିସ୍ତାରିତ ବରଫ ମଧ୍ୟ ତରଳିଯାଏ ।

ସାହାର ମରୁଭୂମୀରେ ୨୦୨୧ ମସିହା ଜାନୁଆରୀ ମାସ ବ୍ୟତୀତ ୨୦୧୮, ୨୦୧୭ ଏବଂ ଶେଷ ଥର ପାଇଁ ୧୯୮୦ ମସିହାରେ ରେକର୍ଡ କରାଯାଇଥିଲା । ଜାନୁଆରୀ ମାସରେ ସାଧାରଣତଃ ଏହି ଅଞ୍ଚଳରେ ତାପମାତ୍ରା ୧୨ ଡିଗ୍ରୀ ପାଖାପାଖି ରହିଥାଏ । ଜୁଲାଇ ମାସରେ ଗରମ ବଢ଼ିବା ସହ ତାପମାତ୍ରା ୪୦ ଡିଗ୍ରୀ କୁ ବଢ଼ିଥାଏ ।

ସେହିପରି ସାଉଦି ଆରବର ଅସୀର କ୍ଷେତ୍ରରେ ପାଖାପାଖି ଏକ ଦଶନ୍ଧି ପରେ ଏମିତି ତୁଷାରପାତ ଦେଖିବାକୁ ମିଳିଛି । ତାବୁକ ସହିତ ଉତ୍ତର ପଶ୍ଚିମ ପୂର୍ବତଟ୍ଟ ଅଞ୍ଚଳରେ ତାପମାତ୍ରା ଖସିବା ସହ ଥଣ୍ଡା ବଢ଼ିଥାଏ । ତେବେ ଅଧିକାରୀ ସ୍ଥାନୀୟ ଲୋକଙ୍କୁ ଥଣ୍ଡାରୁ ସୁରକ୍ଷିତ ରହିବା ପାଇଁ ପରାମର୍ଥ ଦେଇଛନ୍ତି ।