ବିହାର ନିର୍ବାଚନ: ମହାମେଣ୍ଟରେ ଛିଡିଲା ସିଟ୍ ଭାଗବଣ୍ଟା

1 min read

ପାଟନା: ବିହାରରେ ହେବାକୁ ଥିବା ବିଧାନସଭା ନିର୍ବାଚନକୁ ନେଇ ସମସ୍ତ ଦଳରେ ସିଟ୍ ଭାଗ ବଣ୍ଟନ ଉପରେ ବିଚାର ବିମର୍ଷ ଜାରି ରହିଛି । ଏହି ମଧ୍ୟରେ ମହାମେଣ୍ଟରେ ସିଟ ବଣ୍ଟନକୁ ନେଇ ସବୁକିଛି ଧାର୍ଯ୍ୟ ହୋଇ ସାରିଥିବା କହିଛନ୍ତି RJDର ବରିଷ୍ଠ ନେତା ଭାଇ ବୀରେନ୍ଦ୍ର ।

ସୂଚନା ମୁତାବକ ଆରଜେଡି ୧୩୫-୧୪୦, କଂଗ୍ରେସ ୪୫-୫୦,ରାଷ୍ଟ୍ରୀୟ ଲୋକ ସମତା ପାର୍ଟି ୨୩-୨୫, ମୁକେଶ ସହନୀଙ୍କ ଭିଆଇପିକୁ ୮-୧୦,ସିପିଆଇ ୩-୫ ଏବଂ ସିପିଆଇ ଏମ.ଏଲ ୧୨-୧୫ ଏବଂ ସିପିଆଇ ଏମକୁ ୨ରୁ ୩ଟି ସିଟ୍ ମିଳିପାରେ । ଅବଶ୍ୟ ଏହି ଆକଳନ କେବଳ ଚର୍ଚ୍ଚା ଏବଂ ଅନୁମାନ ଉପରେ ଆଧାରିତ ।

ମହାମେଣ୍ଟରେ ସିଟକୁ ନେଇ କୌଣସି ସମସ୍ୟା ନାହିଁ ଏବଂ ଆରଜେଡି ଦଳର ନେତା ସିଟ୍ ବଣ୍ଟନକୁ ନେଇ ଖୁସି ଥିବା କହିଛନ୍ତି ଭାଇ ବୀରେନ୍ଦ୍ର । ସିଟ ବଣ୍ଟନର ସମ୍ପୂର୍ଣ୍ଣ ବିବରଣୀ ଖୁବଶୀଘ୍ର ପ୍ରେସ କନଫରେନ୍ସ ମାଧ୍ୟମରେ ସାର୍ବଜନୀନ କରାଯିବ ବୋଲି ମଧ୍ୟ ସେ ତାଙ୍କ ବୟାନରେ ଉଲ୍ଲେଖ କରିଛନ୍ତି ।

ଜେଡିୟୁ ମୁଖପାତ୍ର ସଞ୍ଜୟ ସିଂ ଗୁରୁବାର ଦିନ ଦେଇଥିବା ବୟାନ୍ ଅନୁସାରେ ଆରଜେଡି କାହାକୁ ସମ୍ମାନ ଦିଏ ନାହିଁ । ଏହା ସହିତ ନିର୍ବାଚନରେ ମହା ମେଣ୍ଟ ଛିନ୍ନ ବିଛିନ୍ନ ହୋଇଯିବ ବୋଲି ସେ କହିଛନ୍ତି ।

ଗୋଟିଏ ପକ୍ଷରେ ଆରଜେଡି ନେତା ସିଟ୍ ବଣ୍ଟନକୁ ନେଇ ଖୁସିଥିବା କହୁଥିବା ବେଳେ ଏହାକୁ ଖଣ୍ଡନ କରିଛନ୍ତି ଜେଡିୟୁ ମୁଖପାତ୍ର ।

Leave a Reply

Your email address will not be published. Required fields are marked *

Close Bitnami banner