ଏସସିବି ମେଡିକାଲ ସମେତ ୩୫ କୋଭିଡ୍ ହସ୍ପିଟାଲ ଓ ୨୨ଟି ଟେଷ୍ଟିଂ ସେଣ୍ଟର ହେଲା ସାନିଟାଇଜ

1 min read
scb hospital including 35 covid hospitals & 22 testing centres sanitised
Spread the love

ଭୁବନେଶ୍ୱର: ରାଜ୍ୟରେ ଏବେ ୧୪ ଦିନିଆ ଲକଡାଉନ୍ ଜାରି ରହିଛି । ବଢୁଥିବା କରୋନା ସଂକ୍ରମିତଙ୍କ ସଂଖ୍ୟାକୁ ରୋକିବା ପାଇଁ ଏହି ୧୪ ଦିନିଆ ଲକଡାଉନ୍ ଘୋଷଣା କରାଯାଇଛି । ତେବେ ୪ ଜିଲ୍ଲା ସହ ରାଉରକେଲା ସହରକୁ ଲକଡାଉନ୍ କରାଯାଇଛି । କଟକ ଜିଲ୍ଲା ଓ ମହାନଗର ନିଗମ ଅଂଚଳରେ ଜୁଲାଇ ୩୧ ତାରିଖ ପର୍ଯ୍ୟନ୍ତ ଲକଡାଉନ ଜାରି ରହିଛି । ଏହି ସମୟରେ ଏସସିବି ମେଡିକାଲ ପରିସରକୁ ସଂପୂର୍ଣ୍ଣ ଭାବେ ସାନିଟାଇଜ କରାଯାଉଛି । ଅଗ୍ନିଶମ ବିଭାଗର କର୍ମଚାରୀମାନେ ଦୁଇଟି ଗାଡିରେ ବିଭିନ୍ନ ବିଭାଗ, ମେଡିକାଲ କଲେଜ ଓ ହଷ୍ଟେଲକୁ ସାନିଟାଇଜ କରିଛନ୍ତି । ଏଥି ସହିତ ଅଶ୍ୱିନୀ ହସ୍ପିଟାଲ ପରିସରକୁ ମଧ୍ୟ ସାନିଟାଇଜ କରାଯାଇଛି ।

ଏହା ସହିତ କୋଭିଡ୍ ହସ୍ପିଟାଲ ଓ ଟେଷ୍ଟିଂ ସେଣ୍ଟର ମଧ୍ୟ ସାନିଟାଇଜ କରାଯାଇଛି । ରାଜ୍ୟରେ ୩୫ କୋଭିଡ ହସପିଟାଲ, ୨୨ଟି ଟେଷ୍ଟିଂ ସେଣ୍ଟର, ୧୬ଟି କୋଭିଡ କେୟାର ସେଣ୍ଟରକୁ ସାନିଟାଇଜ କରିଛି ଫାୟାର ଟିମ୍ । ଅଗ୍ନିଶମ ଡିଜିଙ୍କ ତତ୍ୱାବଧାନରେ ସାନିଟାଇଜ କରିଛି ଫାୟାର ଟିମ। ଭୁବନେଶ୍ୱରର ଏମ୍ସ, କିମ୍ସ, ଆରଏମଆରସି ସମେତ ୧୨ଟି ହସପିଟାଲ ଓ ଟେଷ୍ଟିଂ ସେଣ୍ଟର ସାନିଟାଇଜ କରିଛି ଫାୟାର ଟିମ। ଆଗାମୀ ଦିନରେ ଏହି ସ୍ଥାନ ଗୁଡିକରେ ପ୍ରତିଦିନ ସାନିଟାଇଜ କରିବାକୁ ଲକ୍ଷ ରଖାଯାଇଛି ବୋଲି ଅଗ୍ନିଶମ ଡିଜି ସତ୍ୟଜିତ ମହାନ୍ତି ଟୁଇଟ କରି ସୂଚନା ଦେଇଛନ୍ତି।

 

(ନନ୍ଦିଘୋଷ ବ୍ୟୁରୋ)

Leave a Reply

Your email address will not be published. Required fields are marked *

Close Bitnami banner