ରାସ୍ତା କଡ଼ରେ ପଡ଼ିରହିଛନ୍ତି ଅସହାୟ ବୃଦ୍ଧ: ପେଟକୁ ନାହିଁ ଦାନା, ଦେହକୁ ନାହିଁ କନା

ଉମରକୋଟ (କୃଷ୍ଣପ୍ରସାଦ ପଟ୍ଟନାୟକ): ରାସ୍ତା କଡ଼ରେ ଅସହାୟ ଭାବେ ପଡିରହିଛନ୍ତି ବୃଦ୍ଧ  । ଘର କହିଲେ ପଲିଥିନ୍ ଛାତ ଥିବା ଝାଟି ମାଟି କୁଡିଆ  । ପରିବାରରେ କେହି ନାହାନ୍ତି  । ନା ପାଖରେ ଖାଇବାକୁ ଅଛି ନା ପିନ୍ଧିବାକୁ କନା ଅଛି  । ଏଭଳି ଅବସ୍ଥାରେ ଦିନ କାଟୁଛନ୍ତି ଉମରକୋଟ ଭଗବତୀ ନଗର ଅଞ୍ଚଳର ବଡ ହରିଜନ  ।

ଦିନ ଥିଲା ମହୁରୀ ବଜାଇ ଗୀତ ଗାଇ ପେଟ ପୋଷୁଥିଲେ, ହେଲେ ଆଜି ସେ  ଅସହାୟ  । ଘର ପରିବାର ବୋଲି କେହି ନାହାନ୍ତି  । ରସ୍ତା କଡରେ ପଲିଥିନ ତଳେ ଏକାକି ଅସହାୟ ଭାବେ ପଡିରହିଛନ୍ତି  । ଆଖପାଖ ସାହି ପଡିଶା କିଏ ଖାଇବାକୁ ଦେଲେ ଖାଉଛନ୍ତି ନ ହେଲେ ଓପାସରେ ବିତୁଛି ଦିନ  ।

ନବରଂଗପୁର ଉମରକୋଟ ମୁନ୍ସିପାଲଟି ଭଗବତୀ ନଗର ଅଞ୍ଚଳରେ ବେସାହାରା ଭାବେ ଜୀବନ କାଟୁଛନ୍ତି ବଡ ହରିଜନ  । ବୟସର ଅପରାହ୍ନରେ ପକ୍ଷାଘାତରେ ପୀଡିତ ଅଛନ୍ତି  । ସ୍ତ୍ରୀ ଓ ଭଉଣୀଙ୍କ ମୃତ୍ୟୁପରେ ଅସହାୟ ହୋଇ ମୃତ୍ୟୁକୁ ଅପେକ୍ଷା କରି ରହିଛନ୍ତି  । ଅସହାୟ ବୃଦ୍ଧଙ୍କ ଏଭଳି ଅବସ୍ଥାରେ ତାଙ୍କୁ ସରକାରୀ ସହଯୋଗ ଯୋଗାଇବା ସହିତ ଚିକିତ୍ସା ଯୋଗାଇ ଦେଦବାକୁ ସ୍ଥାନୀୟ ଲୋକ ନିବେଦନ କରିଛନ୍ତି  ।

ଅନ୍ୟପଟେ ଘଟଣା ସମ୍ପର୍କରେ ଜାଣିବା ପରେ ସମସ୍ତ ସହଯୋଗ ଯୋଗାଇ ଦିଆଯିବା ନେଇ ପ୍ରତିଶ୍ରୁତି ଦେଇଛନ୍ତି ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ  । ପ୍ରଶାସନ ପକ୍ଷରୁ ଶୀଘ୍ର ତାଙ୍କୁ ସହଯୋଗ ଯୋଗାଇେଦଲେ ସେ ଉପକୃତ ହୋଇପାରନ୍ତେ  ।

Leave a Reply