Rajasthan Political Crisis: ରାଜ୍ୟର ବିନା ଅନୁମତିରେ ପଶି ପାରିବନି ସିବିଆଇ

1 min read
Spread the love

ଜୟପୁର: ରାଜସ୍ଥାନରେ ରାଜନୈତିକ ସଂକଟ ଭିତରେ ଗେହଲଟ ସରକାରର ବଡ଼ ନିଷ୍ପତ୍ତି । କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ ଉପରେ ରାଜସ୍ଥାନର ଗେହଲଟ୍ ସରକାର ପ୍ରତିବନ୍ଧକ ଲଗାଇଛନ୍ତି । ଏଣିକି ସିବିଆଇ ରାଜସ୍ଥାନ ସରକାରଙ୍କ ଅନୁମତି ବିନା କୌଣସି ମାମଲାର ସିଧା ଯାଞ୍ଚ କରିପାରିବ ନାହିଁ । ରାଜ୍ୟ ଭିତରେ କୌଣସି ତଦନ୍ତ ପାଇଁ ସିବିଆଇକୁ ଅନୁମତି ନେବାକୁ ପଡ଼ିବ । ଅର୍ଥାତ୍ ରାଜସ୍ଥାନ ସରକାରଙ୍କ ଅନୁମତି ପରେ ହିଁ ରାଜ୍ୟ ଭିତରେ ତଦନ୍ତ କରିପାରିବ ସିବିଆଇ । ଏନେଇ ରାଜସ୍ଥାନ ସରକାରଙ୍କ ଗୃହ ବିଭାଗ ବିଜ୍ଞପ୍ତି ଜାରି କରିଛି ।

ରାଜ୍ୟରେ ରାଜନୈତିକ ସଂକଟ ଜାରି ରହିଥିବା ବେଳେ ସିବିଆଇକୁ ନେଇ ଗେହଲଟ୍ ସରକାର ବଡ଼ ନିଷ୍ପତ୍ତି ନେଇଛନ୍ତି । ପୂର୍ବରୁ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ କେନ୍ଦ୍ର ସରକାରଙ୍କ ଉପରେ ଅଭିଯୋଗ କରିଥିଲେ କି, ଚାପ ପକାଇବା ପାଇଁ କେନ୍ଦ୍ରୀୟ ତଦନ୍ତକାରୀ ସଂସ୍ଥା ଓ ଏଜେନ୍ସିର ଦୂରୁପଯୋଗ କରାଯାଉଛି । ଏତିକି ନୁହେଁ ଦେଶରେ ଗୁଣ୍ଡାଗର୍ଦ୍ଦି ଚାଲିଛି, ଏବଂ ଇଚ୍ଛା ଅନୁସାରେ ରେଡ୍ କରାଯାଉଥିବା ନେଇ ଗେହଲଟ୍ ଅଭିଯୋଗ କରିଥିଲେ । ମୋତେ ଦୁଇ ଦିନ ତଳୁ ଜଣାଥିଲା କି ମୋର ଅନୁଗତଙ୍କ ଉପରେ ରେଡ୍ କରାଯିବ । ରାଜସ୍ଥାନ କଂଗ୍ରେସ ନେତାଙ୍କ ଠିକଣାର ଆୟକର ବିଭାଗର ରେଡ୍ ପରେ ମୁଖ୍ୟମନ୍ତ୍ରୀ ଏହି ବୟାନ୍ ଦେଇଥିଲେ । ରାଜସ୍ଥାନ କଂଗ୍ରେସର ୨ ବଡ଼ ନେତା ରାଜୀବ ଅରୋଡ଼ା ଓ ଧର୍ମେଦର ରାଠୋରୋଙ୍କ ଠିକଣାରେ ରେଡ୍ କରିଥିଲା ଆୟକର ବିଭାଗ ।

ରାଜ୍ୟରେ ସିବିଆଇ ପ୍ରବେଶ ଉପରେ ପ୍ରତିବନ୍ଧକ ଲଗାଇବାରେ ରାଜସ୍ଥାନ ହେଉଛି ଚତୁର୍ଥ ରାଜ୍ୟ । ଏହା ପୂର୍ବରୁ ଆନ୍ଧ୍ରପ୍ରଦେଶ, ପଶ୍ଚିମବଙ୍ଗ ଓ ଛତିଶଗଡ଼ ଅନୁରୂପ ନିଷ୍ପତ୍ତି ନେଇ ସିବିଆଇ ଉପରେ ରୋକ୍ ଲଗାଇଥିଲେ । ଏସବୁ ରାଜ୍ୟରେ ସିବିଆଇ କୌଣସି ମାମଲାର ତଦନ୍ତ କରିବା ପାଇଁ ରାଜ୍ୟ ସରକାରଙ୍କ ଅନୁମତି ନେବାକୁ ପଡ଼ିବ । ୨୦୧୯ ସାଧାରଣ ନିର୍ବାଚନ ପୂର୍ବରୁ ଆନ୍ଧ୍ରପ୍ରଦେଶ, ପଶ୍ଚିମବଙ୍ଗ ଓ ଛତିଶଗଡ଼ ସିବିଆଇକୁ ନେଇ ଏଭଳି ନିଷ୍ପତ୍ତି ନେଇଥିଲେ ।

ପାଇଲଟଙ୍କ ଉପରେ ଗେହଲଟଙ୍କ ବଡ଼ ଆକ୍ରମଣ, ୭ ବର୍ଷ ହେଲା…

Leave a Reply

Your email address will not be published. Required fields are marked *

Close Bitnami banner