କରୋନାରେ ହେଲା ମାଆଙ୍କ ମୃତ୍ୟୁ, ଡାକ୍ତରଖାନା ଝରକା ଉପରେ ଚଢ଼ି ମାଆଙ୍କୁ ଶେଷ ବିଦାୟ ଦେଲା ପୁଅ… ଦେଖନ୍ତୁ ଭାଇରାଲ ଫଟୋ

1 min read
Palestinian Son gives his last goodbye to his mother by climbing hospital window, videos goes viral
Spread the love

ନୂଆଦିଲ୍ଲୀ: କରୋନା ଭାଇରସର ଭୟଙ୍କର ପ୍ରକୋପ ସାରା ବିଶ୍ୱକୁ ହନ୍ତସନ୍ତ କରୁଛି । ତେବେ ଏହି ସମୟରେ ଏମିତି ଏକ ପୁଅର କାହାଣୀ ସୋସିଆଲ ମିଡିଆରେ ଭାଇରାଲ ହେଉଛି ଯାହାକୁ ପଢ଼ିବା ପରେ ଆପଣଙ୍କ ଆଖିରୁ ମଧ୍ୟ ଲୁହ ଝରିଆସିବ । ସୂଚନା ଅନୁସାରେ ୱେଷ୍ଟ ବ୍ୟାଙ୍କ୍ ବେଇଟ ଆୱା ସହରର ଫିଲିସ୍ତୀନୀର ଯୁବକ ଜିହାଦୀ ଅଲ-ସୁୱାତୀ ହେବ୍ରାନ ଡାକ୍ତରଖାନାର ଆଇସିୟୁରେ ଝରକାରେ ଚଢ଼ି ନିଜ ମାଆକୁ ଶେଷ ବିଦାୟ ଦେଉଥିବା ନଜର ଆସିଛି । ଝରକାରେ ବସିଥିବା ଏହି ଯୁବକଙ୍କ ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହୋଇଛି । ଯାହାକୁ ଦେଖି ଲୋକମାନେ ଖୁବ ଇମୋସନାଲ ମଧ୍ୟ ହୋଇପଡ଼ିଛନ୍ତି । ଜଣାଇ ରଖୁଛୁ ଯେ, ଝରକାରେ ବସିଥିବା ଏହି ଯୁବକଙ୍କର ମାଆ କରୋନା ଭାଇରସ ଦ୍ୱାରା ସଂକ୍ରମିତ ଥିଲେ ।

ଝରକାରେ ବସିଥିବା ଏହି ଯୁବକଙ୍କ ମାଆଙ୍କ ନାଁ ରଶ୍ମି ସୁବିତ୍ତୀ ଅଟେ । ୪ ଦିନ ପୂର୍ବରୁ କରୋନା ଭାଇରସ ଦ୍ୱାରା ରଶ୍ମି ସୁବିତ୍ତୀଙ୍କ ମୃତ୍ୟୁ ହୋଇଥିଲା । ରିପୋର୍ଟ ମୁତାବକ ଯେତେବେଳେ ରଶ୍ମିଙ୍କ ପୁଅ ତାଙ୍କ ସହ ଦେଖା କରିବା ପାଇଁ ଡାକ୍ତରାଖାନାରେ ପହଞ୍ଚିଲେ ତାର କିଛି ସମୟ ପୂର୍ବରୁ ତାଙ୍କର ମୃତ୍ୟୁ ହୋଇଯାଇଥିଲା । ଏହି ଫଟୋକୁ ସେୟାର କରି ସେ ଲେଖିଥିଲେ ଯେ, କୋଭିଡ ୧୯ ରେ ସଂକ୍ରମିତ ଜଣେ ଫିଲିସ୍ତୀନୀ ମହିଳାଙ୍କ ପୁଅ ପ୍ରତ୍ୟେକ ଦିନ ରାତିରେ ନିଜ ମାଆଙ୍କୁ ଦେଖିବା ପାଇଁ ଡାକ୍ତରଖାନାର ଝରକା ଉପରେ ଚଢ଼ୁଥିଲେ ।

ଏହି ଫଟୋ ସେୟାର ହେବା ପରେ ସୋସିଆଲ ମିଡିଆ ୟୁଜୋର୍ସ କମେଣ୍ଟରେ ଲେଖିଛନ୍ତି ଯେ, ଏହା ଅତ୍ୟନ୍ତ ଦୁଃଖଦାୟକ, ଏହି ଫଟୋକୁ ଦେଖିବା ପରେ ମୋ ଆଖିରୁ ଲୁହ ଝରିପଡ଼ିଲା । ଅନ୍ୟପଟେ ଏହି ଫଟୋ ଅତ୍ୟନ୍ତ ପ୍ରେରଣାଦାୟକ ବୋଲି ୟୁଜର୍ସ କହିଛନ୍ତି ।

ମିଡିଆ ରିପୋର୍ଟ ମୁତାବକ ଯୁବକର ମାଆ କରୋନା ଭାଇରସ ଦ୍ୱାରା ସଂକ୍ରମିତ ଥିବା ସହିତ ଲ୍ୟୁକେମିୟାରେ ମଧ୍ୟ ପିଡ଼ିତ ଥିଲେ । ଯୁବକଙ୍କ ମାଆଙ୍କୁ ହେବ୍ରୋନ ରାଜକୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ସେଠାରେ ପାଞ୍ଚ ଦିନ ଚିକିତ୍ସା ପରେ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି ।

ରିପୋର୍ଟ ମୁତାବକ ଯୁବକ ନିଜ ମାଆଙ୍କୁ ଦେଖିବା ପାଇଁ ପ୍ରତିଦିନ ଝରକାରେ ଚଢ଼ି ବସୁଥିଲା । ଯୁବକଙ୍କ କହିବା ଅନୁଯାୟୀ, ମୁଁ ମୋ ମାଆଙ୍କୁ ଶେଷଥର ପାଇଁ ବିଦାୟ ଦେବାପାଇଁ ଚାହୁଥିଲି । କିନ୍ତୁ ଡାକ୍ତରଖାନାର ନିୟମ ଅନୁସାରେ ମତେ ଡାକ୍ତରଖାନା ଭିତରକୁ ଯିବାକୁ ଅନୁମତି ନଥିଲା । ତେଣୁ ମୁଁ ଡାକ୍ତରଖାନାର ଝରକା ଉପରେ ଚଢ଼ି ମାଆଙ୍କୁ ଦେଖିବାକୁ ଲାଗିଲି ।

Leave a Reply

Your email address will not be published. Required fields are marked *

Close Bitnami banner