ଲକ୍‌ଡାଉନ୍‌ର ସଦୁପଯୋଗ: ଘର ବସି ପ୍ରସ୍ତୁତ କଲେ ବାଇକ୍‌ ଭଳି ସାଇକେଲ୍‌, ରହିଛି ଅନେକ ଫିଚର୍ସ…

Battery Cycle

ବୌଦ୍ଧ: (ସିମୁନ୍ ନାୟକ): କଥାରେ ଅଛି ଦୃଢ ଇଚ୍ଛାଶକ୍ତି ଥିଲେ ଅସାଧ୍ୟ କାମ ବି ସମ୍ଭବ ହୋଇପାରେ । ଏହି ଉକ୍ତିଟିକୁ ସତ କରି ଦେଖାଇଛନ୍ତି ବୌଦ୍ଧ ଜିଲ୍ଲା ଲୁଣିବାହାଲ ଗାଁର ଜଣେ ଯୁବକ । ସଙ୍କଟ ସମୟରେ ନିଜ ଉଦ୍ଭାବନକୁ ନେଇ ବେସ୍ ଚର୍ଚ୍ଚାରେ ଅଛନ୍ତି ଯୁବକ ଜଣକ । ନିଜ ଉଦ୍ୟମ ନିଶ୍ଚିତ ରୂପେ ସମସ୍ତଙ୍କ ହିତରେ ଲାଗିପାରିବ ବୋଲି ଆଶା ରଖିଛନ୍ତି ଯୁବକ ।

Battery Cycle

କରୋନା କଟକଣା ପାଇଁ ସବୁଠି ଲକଡାଉନ୍, ସଟଡାଉନ୍ । ଦୋକାନା ବଜାରରେ ପଡିଥିଲା ତାଲା । କାମ ଧନ୍ଦା ବି ବନ୍ଦ ଥିବାରୁ ସବୁଠି ହାହାକାର ପରିସ୍ଥିତି ରହିଥିଲା । ହେଲେ ଏହି ସଂଙ୍କଟ ସମୟର ସଦୁପୋଯୋଗ କରିଥିଲେ ବୌଦ୍ଧ ଜିଲ୍ଲା ଲୁଣିବାହାଲ ଗାଁର ଯୁବକ ପ୍ରଶାନ୍ତ ବେହେରା । ଶିକ୍ଷାଗତ ଯୋଗ୍ୟତା ଅଷ୍ଟମ ପାସ୍ । ପେସାରେ ସେ ଜଣେ ଧାନ ମିଲ ଅପରେଟର । ହଲେ ଏହି ଲକ୍‌ଡାଉନ୍‌ ସମୟର ଫାଇଦା ଉଠାଇଛନ୍ତି ପ୍ରଶାନ୍ତ । ନିଜ ଇଚ୍ଛାଶକ୍ତି ବଳରେ ୧୩ ହଜାର ଟଙ୍କା ଖର୍ଚ୍ଚ ବ୍ୟୟରେ ତିଆରି କରିଛନ୍ତି ବ୍ୟାଟେରି ଚାଳିତ ସାଇକେଲେ । ସୋସିଆଲ ମିଡିଆରୁ ଦେଖି ଏକ ମାସରେ ତିଆରି କରିଛନ୍ତି ଏହି ସାଇକେଲ । ଘଣ୍ଟାଏ ଚାର୍ଜ କଲେ ଏହି ସାଇକେଲ୍ ୩୦ କିଲୋମିଟର ଅତିକ୍ରମ କରିପାରେ ।

Battery Cycle

ଏହି ସାଇକେଲ ଦୁଇ ଚକିଆ ଯାନ ଠାରୁ କୌଣସି ଗୁଣରେ କମ୍ ନୁହଁ । ସାଇେକଲରେ ରହିଛି ଲାଇଟ୍, ହର୍ଣ୍ଣ, ଏକ୍ସିଲିଟର, କ୍ଲଚ୍ ଓ ବ୍ରେକ୍ । ଏହି ସାଇକେଲ ପ୍ରଦୂଷଣ ମାତ୍ରା କମାଇବା ସହ ତେଲ ଖର୍ଚ୍ଚ ବଞ୍ଚାଇବାରେ ସହାୟକ ହେବ ବୋଲି କହିଛନ୍ତି ପ୍ରଶାନ୍ତ । ତେବ ପ୍ରଶାନ୍ତଙ୍କ ଏହି ନିଆରା ସାଇକେଲ ଉଦ୍ଭାବନକୁ ପ୍ରଶଂସା କରିଛନ୍ତି ସ୍ଥାନୀୟବାସୀନ୍ଦା । ସରକାରୀ ପ୍ରୋତ୍ସାହନ ମିଳିଲେ ପ୍ରଶାନ୍ତ ଆହୁରି ଆଗକୁ ବଢ଼ିପାରିବେ ବୋଲି କହିଛନ୍ତି ସ୍ଥାନୀୟ ବୁଦ୍ଧିଜୀବୀ ।

Leave a Reply