କୋଭିଡ୍ ମୃତକଙ୍କ ସଂସ୍କାର ପାଇଁ ସରକାର ଦେବେ ୭ ହଜାର ୫ ଶହ ଟଙ୍କା

1 min read
Spread the love

ଭୁବନେଶ୍ୱର: କରୋନା ଆକ୍ରାନ୍ତଙ୍କ ମୃତଦେହ ସଂସ୍କାର ଲାଗି ସରକାର ଦେବେ ଆର୍ଥିକ ସହାୟତା । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । କରୋନା ଆକ୍ରାନ୍ତଙ୍କ ମୃତ୍ୟୁ ଶରୀର ଦାହ ପାଇଁ ସରକାର ଟଙ୍କା ଦେବେ । ପ୍ରତି ମୃତଦେହ ସଂସ୍କାର ପାଇଁ ୭ ହଜାର ୫ ଶହ ଟଙ୍କା ଦିଆଯିବା ନେଇ ନିଷ୍ପତ୍ତି ନିଆଯାଇଛି ।

ଏହି ଅର୍ଥ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ଖର୍ଚ୍ଚ ହେବ । ଜିଲ୍ଲା ସ୍ତରରେ ଜିଲ୍ଲାପାଳ ଏବଂ ମହାନଗର ନିଗମ ଅଞ୍ଚଳରେ ଏଥିପାଇଁ ମହାନଗର କମିଶନର ଟଙ୍କା ଦେଇପାରିବେ । ପ୍ରତି କୋଭିଡ୍ ମୃତଦେହ ପାଇଁ ୭ ହଜାର ୫ ଶହ ଟଙ୍କା ଦେବାକୁ ରାଜ୍ୟର ସମସ୍ତ ଜିଲ୍ଲାର ଜିଲ୍ଲାପାଳ ଓ ମହାନଗର ନିଗମର କମିଶନରଙ୍କୁ ନିର୍ଦ୍ଦେଶ ଦିଆଯାଇଛି ।

ରାଜ୍ୟରେ ଏବେ ଯାଏଁ କରୋନାରେ ୯୭ ଜଣଙ୍କ ମୃତ୍ୟୁ ହୋଇଛି । ସଂକ୍ରମିତଙ୍କ ସଂଖ୍ୟା ୧୮ ହଜାର ୧୧୦ ଥିବାବେଳେ ୧୨ ହଜାର ୪୫୩ ଜଣ ସୁସ୍ଥ ହେଲେଣି । ଏବେ ରାଜ୍ୟରେ ୫ ହଜାର ୫୩୨ଟି ସକ୍ରିୟ ସଂକ୍ରମତ ମାମଲା ରହିଛି । ଆକ୍ରାନ୍ତଙ୍କ ଚିକିତ୍ସା ରାଜ୍ୟର ବିଭିନ୍ନ କୋଭିଡ୍ ହସ୍ପିଟାଲରେ କରାଯାଉଛି ।

କଟକ ଓ ଭୁବନେଶ୍ୱରରୁ ୬୫ ନୂଆ କରୋନା ସଂକ୍ରମିତ ଚିହ୍ନଟ, ବଢ଼ୁଛି ସୁସ୍ଥତା ହାର

Leave a Reply

Your email address will not be published. Required fields are marked *

Close Bitnami banner