କୁନା ତ୍ରିପାଠୀଙ୍କୁ ଜନ୍ମ ଦିନର ଶୁଭେଚ୍ଛା, ୫୨ ସରି ୫୩ ଛୁଇଁଲା
ଭୁବନେଶ୍ୱର: ଅଭିନେତା ତଥା ଓଡ଼ିଶା ଫିଲ୍ମ ଡେଭ୍ଲପ୍ମେଣ୍ଟ କର୍ପୋରେସନ୍ର ଅଧ୍ୟକ୍ଷ କୁନା ତ୍ରିପାଠୀଙ୍କୁ ଜନ୍ମ ଦିନର ଅନେକ ଅନେକ ଶୁଭେଚ୍ଛା । କୁନା ତ୍ରିପାଠୀ ନାଁରେ ଘରେ ଘରେ ପରିଚିତ ଥିବା ଏହି ଅଭନେତା ଜଣଙ୍କର ପ୍ରକୃତ ନାମ ହେଉଛି ସତ୍ୟବ୍ରତ ତ୍ରିପାଠୀ । ତାଙ୍କର ଜନ୍ମ ୧୯୬୮ ମସିହା ଜାନୁଆରୀ ୨୨ ତାରିଖରେ । ଅନେକ ଓଡ଼ିଆ ଚଳଚ୍ଚିତ୍ର ତଥା ମେଗା ଧାରାବାହିକରେ ନିଜର ନିଖୁଣ ଅଭିନୟ ପାଇଁ ବେଶ ପ୍ରଶଂସିତ ହୋଇପାରିଛନ୍ତି ।
ପୂର୍ବରୁ କୁନା ତ୍ରିପାଠୀ ଖଳନାୟକ ଭୂମିକାରେ ବେଶ୍ ଚର୍ଚ୍ଚାରେ ଥିଲେ । ଏବେ ସେ ଜଣେ ହାସ୍ୟ ଅଭିନେତା ଭାବେ ପରିଚିତ । ସେ ରେଡିଓର ବିଭିନ୍ନ କାର୍ଯ୍ୟକ୍ରମରେ ନିଜର କଣ୍ଠଦାନ କରି ବେଶ କ୍ଷତି ଅର୍ଜନ ମଧ୍ୟ କରିଛନ୍ତି । ତାଙ୍କ କଣ୍ଠରୁ ଅନର୍ଗଳ ଶ୍ଲୋକ ଓ ସ୍ତୁତି ଆଦି ଶୁଣିବା ପାଇଁ ସମସ୍ତଙ୍କ ମନରେ ଆଗ୍ରହ ଥାଏ ।
ସେ ଅଭିନେତା ହେବା ସହ ଏକାଧାରରେ ଜଣେ ମଞ୍ଚ ପରିଚାଳକ, ଲେଖକ, ସଂଳାପକାର ଓ ନର୍ଦ୍ଦେଶକ ଭାବେ ମଧ୍ୟ କାମ କରିସାରିଛନ୍ତି । ଅନେକ କ୍ଷୁଦ୍ର ଚଳଚ୍ଚିତ୍ରରେ ସେ ନିର୍ଦ୍ଦେଶନା ଦେଇ ଲୋକଙ୍କ ମନ ଜିଣିପାରିଛନ୍ତି । କୁନା ତ୍ରିପାଠୀ ନିଜ ନିଆରା ଅଭିନୟ ଶୈଳି ପାଇଁ ଦର୍ଶକଙ୍କ ମନରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି । କେବଳ ଖଳନାୟକ କିମ୍ବା ହାସ୍ୟ ଅଭିନେତା ନୁହେଁ ଚରିତ୍ର ଅଭନେତା ଭାବେ ମଧ୍ୟ ସେ ନିଜକୁ ବେଶ ପ୍ରତିପାଦିତ କରିପାରିଛନ୍ତି ।
