ସଞ୍ଜୟ କୁମାର ନାୟକ ରେଭେନ୍ସାର ନୂଆ କୁଳପତି

ଭୁବନେଶ୍ୱର: ଚେନ୍ନାଇ ସ୍ଥିତ ସିପେଟର ମହାନିର୍ଦେଶକ ତଥା ମୁଖ୍ୟ ପ୍ରଶାସନିକ ଅଧିକାରୀ ସଞ୍ଜୟ କୁମାର ନାୟକଙ୍କୁ ରେଭେନସା ବିଶ୍ୱବିଦ୍ୟାଳୟର କୁଳପତି ଭାବେ ଚୟନ କରାଯାଇଛି । ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ କାର୍ଯ୍ୟାଳୟ ପକ୍ଷରୁ ଏହି ସୂଚନା ଦିଆଯାଇଛି। ସେ ଆସନ୍ତା ୪ ବର୍ଷ ଯାଏ ଅଥବା ପରବର୍ତ୍ତୀ ଆଦେଶ ନପାଇବା ଯାଏ କୁଳପତି ଭାବେ କାର୍ଯ୍ୟ କରିବେ।

Ravenshaw University

ବିଗତ ୩୪ ବର୍ଷରୁ ଅଧିକ ସମୟ ହେଲା ଶିକ୍ଷାଦାନ କରି ଆସୁଥିବା ପ୍ରଫେସର ନାୟକ ୩୫ଟି ପୁସ୍ତକ ରଚନା କରିଛନ୍ତି। ତାଙ୍କ ନାଁରେ ୨୫ରୁ ଅଧିକ ଭାରତୀୟ ପ୍ୟାଟେଣ୍ଟ ଏବଂ ୩୦ରୁ ଅଧିକ ଅଭିନବ ଡିଜାଇନ ରେଜିଷ୍ଟ୍ରସନ୍ ରହିଛି । ୪୦ରୁ ଅଧିକ ଛାତ୍ର ତାଙ୍କ ଅଧୀନରେ ଗବେଷଣା କରି ପିଏଚଡି ଲାଭ କରିବାରେ ସକ୍ଷମ ହୋଇଛନ୍ତି।

ଓଡ଼ିଶା ବିଶ୍ୱବିଦ୍ୟାଳୟ ଆଇନ ୨୦୨୦ର ଧାରା ୬ ଅନୁସାରେ ରାଜ୍ୟପାଳ ପ୍ରଫେସର ଲାଲ୍ ତାଙ୍କୁ ନିଯୁକ୍ତ କରିଛନ୍ତି। ପ୍ରେଫସର ନାୟକଙ୍କ ଯୋଗଦେବା ଦିନଠାରୁ ତାଙ୍କର କାର୍ଯ୍ୟକାଳ ଗଣତି କରାଯିବ ବୋଲି ରାଜ୍ୟପାଳଙ୍କ କାର୍ଯ୍ୟାଳୟରୁ ମିଳିଥିବା ସୂଚନାରେ କୁହାଯାଇଛି ।

Leave a Reply

Your email address will not be published.