ଜୟାଙ୍କୁ କଙ୍ଗନାଙ୍କ ଜବାବ, ସୁଶାନ୍ତଙ୍କ ସ୍ଥାନରେ ଅଭିଷେକ ଥିଲେ…..

1 min read

ମୁମ୍ବାଇ: କଙ୍ଗନା ରନୌତ ଲଗାତାର ଚର୍ଚ୍ଚାରେ ରହି ଆସୁଛନ୍ତି । ସବୁବେଳେ ସୋସିଆଲ ମିଡିଆରେ ସେ ନିଜର ମତ ରଖିଥାନ୍ତି । ନିକଟରେ ପୁଣି ଏକ ଟ୍ୱିଟ କରି ଚର୍ଚ୍ଚାକୁ ଆସି ଯାଇଛନ୍ତି ବଲିଉଡ କୁଇନ୍ । ସେ ଟ୍ୱିଟ କରି ଜୟା ବଚ୍ଚନଙ୍କୁ ଲେଖିଛନ୍ତି କି ଯଦି ମୋ ସ୍ଥାନରେ ଆପଣଙ୍କ ଝିଅ ଶ୍ୱେତାକୁ କମ ବୟସରେ ମାଡ଼ ମାରାଯାଇଥାନ୍ତା,ଡ୍ରଗ୍ସ ଦିଆଯାଇଥାନ୍ତା ଆଉ ଦୁର୍ବ୍ୟବହାର କରାଯାଇଥାନ୍ତା, ଆଉ ଆପଣଙ୍କ ପୁଅ ଅଭିଷେକକୁ କମ ବୟସରେ ମାନସିକ ନିର୍ୟାତନା ଦିଆଯାଇଥାନ୍ତା ଏବଂ ଦିନେ ସେ ଫାଶୀରେ ଝୁଲିଥିବାର ମିଳିଥାନ୍ତା ତେବେ କ’ଣ ଆପଣ ଏଭଳି କହିଥାନ୍ତେ?ଆମପାଇଁ ମଧ୍ୟ ଅନୁକମ୍ପାର ହାତ ଯୋଡ଼ି ଦେଖାନ୍ତୁ । ତେବେ କଙ୍ଗନାଙ୍କ ଏଭଳି କହିବା ପଛର ଏକ କାରଣ ରହିଛି ।


ସୂଚନାଯୋଗ୍ୟ ଗତ ସୋମବାରକୁ ଲୋକସଭା ସାଂସଦ ରବି କିଶନ ଡ୍ରଗ୍ସ କାରବାରକୁ ନେଇ ନିଜର ମତ ରଖିଛନ୍ତି । ବଲିଉଡରେ ଏହାକୁ ନେଇ ଛାନଭିନ କରାଯାଉ ବୋଲି ସେ ବୟାନରେ ଉଲ୍ଲେଖ କରିଛନ୍ତି । ଯାହାପରେ ରବିଙ୍କୁ ସମାଜବାଦୀ ପାର୍ଟି ସାଂସଦ ଜୟା ବଚ୍ଚନ ରବିଙ୍କୁ ଟାର୍ଗେଟ କରି କହିଛନ୍ତି କି ଯେଉଁ ଥାଳିରେ ଖାଉଛ ସେହି ଥାଳିକୁ କଣା କରୁଛ? ଜୟାଙ୍କ ଏହି ବୟାନରେ କଙ୍ଗନା ଖପା ହୋଇଥିବା ନଜର ଆସିଛି । ଯାହାପରେ ସେ ଜୟାଙ୍କୁ ଏଭଳି କଡ଼ା ଜବାବ ଦେଇଛନ୍ତି ।

Leave a Reply

Your email address will not be published. Required fields are marked *

Close Bitnami banner