IPL କାଉଣ୍ଟଡାଉନ୍ ଷ୍ଟାର୍ଟ, ଭାରତରେ ୮ଟି ଭାଷାରେ ହେବ ସିଧାପ୍ରସାରଣ

1 min read
IPL

ନୂଆଦିଲ୍ଲୀ: ଆଉ ତିନି ଦିନ ପରେ ଆଇପିଏଲ । ଆରମ୍ଭ ହୋଇଯାଇଛି କାଉଣ୍ଟଡାଉନ୍ । ବିଳମ୍ବରେ ହେଉ ପଛେ ଦର୍ଶକ ବେଶ୍‌ ଉତ୍ସାହିତ । ତେବେ ଏହାକୁ ଅଧିକ ଆକର୍ଷଣୀୟ କରିବା ପାଇଁ ଚେଷ୍ଟା ଚଳାଇଛି ବିସିସିଆଇ । ଚଳିତ ଥର ଆଇପିଏଲର ସିଧାପ୍ରସାରଣ ସାରା ବିଶ୍ୱର ଦର୍ଶକ ଯେପରି ଘରେ ବସି ଦେଖିପାରିବେ, ସେ ନେଇ ବ୍ୟାପକ ବନ୍ଦୋବସ୍ତ କରାଯାଇଛି । ଏଥର ଭାରତରେ ୮ଟି ଭାଷାରେ ଆଇପିଏଲର ଧାରାବିବରଣୀ ଦିଆଯିବ । ଯାହାର ଭରପୂର ମଜା ଉଠାଇପାରିବେ କ୍ରିକେଟ୍ ପ୍ରେମୀ ।

ସେପ୍ଟେମ୍ବର ୧୯ରୁ ୟୁଏଇରେ ଆରମ୍ଭ ହେବ ଇଣ୍ଡିଆନ ପ୍ରିମିୟର ଲିଗ । ଷ୍ଟାଡ଼ିୟମକୁ ଯାଇ ମ୍ୟାଚ ଦେଖିହେବନି କିନ୍ତୁ ଘରେ ବସି ଟିଭି ମାଧ୍ୟମରେ ଏହାକୁ ଦେଖି ପାରିବେ ଦର୍ଶକ । ଏଥର ଦୁନିଆର ସବୁଠୁ ଅଧିକ ଦେଶ ପ୍ରଥମ ଥର ପାଇଁ କୌଣସି ଏକ କ୍ରିକେଟ ପ୍ରତିଯୋଗିତାକୁ ଦେଖିବାର ବ୍ୟବସ୍ଥା ହୋଇଛି । ଆଇପିଏଲର ସିଧା ପ୍ରସାରଣ ଏଥର ୧୨୦ ଦେଶରେ ଦେଖିବାକୁ ମିଳିବ । ବିଶ୍ବର ସବୁ ସ୍ଥାନରେ କିପରି ଏଥର ଆଇପିଏଲର ପ୍ରସାରଣ ପହଞ୍ଚି ପାରିବ ସେଥିପାଇଁ ବ୍ୟବସ୍ଥା କରାଯାଇଛି । କିନ୍ତୁ ପାକିସ୍ତାନରେ ଆଇପିଏଲର ସିଧା ପ୍ରସାରଣ ହେବ ନାହିଁ ।

ସେପଟେ ଭାରତୀୟ ଉପମହାଦେଶରେ ପ୍ରସାରଣକାରୀ ସଂସ୍ଥା ଷ୍ଟାର ଇଣ୍ଡିଆର ବିଭିନ୍ନ ଚ୍ୟାନେଲ ଦ୍ବାରା କ୍ରିକେଟ ପ୍ରେମୀ ଦର୍ଶକ ଆଇପିଏଲ ଦେଖିପାରିବେ । କେବଳ ଇଂରାଜୀ କି ହିନ୍ଦୀ ଭାଷା ନୁହେଁ ଆଞ୍ଚଳିକ ଭାଷାରେ ମଧ୍ୟ ଏଥର ଆଇପିଏଲର ମଜା ଉଠାଇପାରିବେ ଦର୍ଶକ । ଇଂରାଜୀ ଓ ହିନ୍ଦୀ ସହ ତେଲଗୁ, ତାମିଲ, କନ୍ନଡ଼, ବେଙ୍ଗଲୀ, ମାଲାୟଲମ ଓ ମରାଠୀ ଭାଷାରେ ଧାରା ବିବରଣୀ ପ୍ରସାରଣ ହେବ । ଏହାସହ ହଟଷ୍ଟାରରେ ମଧ୍ୟ କ୍ରିକେଟ ପ୍ରେମୀ ଲାଇଭ୍ ମ୍ୟାଚ ଦେଖିପାରିବେ ।

Leave a Reply

Your email address will not be published. Required fields are marked *

Close Bitnami banner