CSKକୁ ଆଉ ଏକ ବଡ଼ ଝଟକା: ରୈନାଙ୍କ ପରେ ହରଭଜନ ସିଂହ ଖେଳିବେନି IPL

1 min read

ନୂଆଦିଲ୍ଲୀ: ଆଇପିଏଲ୍ ଆରମ୍ଭ ହେବାକୁ ଆଉ ଦିନ କେଇଟା ରହିଲା । କିନ୍ତୁ ଅତି ମଧ୍ୟରେ ଚେନ୍ନାଇ ସୁପର କିଙ୍ଗର ସମସ୍ୟା କମିବାର ନାଆ ଧରୁନି । କରୋନା ପରେ ଦଳର ଗୋଟିଏ ପରେ ଗୋଟିଏ ତାରକା ଖେଳାଳି ଆଇପିଏଲର ବର୍ତ୍ତମାନର ସିଜନ୍ ନ ଖେଳିବାକୁ ନିଷ୍ପତ୍ତି ନେବାକୁ ଯାଉଛନ୍ତି । ସୁରେଶ ରାଇନାଙ୍କ ପରେ ଚେନ୍ନାଇ ସୁପର କିଙ୍ଗ୍ସର ଭେଟେରାନ ବୋଲର ହରଭଜନ ସିଂଙ୍କୁ ମଧ୍ୟ ଆଇପିଏଲର ୧୩ତମ ସିଜିନରୁ ବାଦ୍ ଦିଆଯାଇଛି । ବ୍ୟକ୍ତିଗତ କାରଣ ଦର୍ଶାଇ ହରଭଜନ ଏହି ସିଜିନରେ ନିଜକୁ ଦୂରେଇ ରଖିଛନ୍ତି । ଜଣାଇ ରଖୁଛୁ ଯେ, ହରଭଜନ ସିଏସକେ ଟିମ ସହିତ ୟୁଏଇରେ ପହଞ୍ଚି ନଥିଲେ ।

ୟୁଏଇ ପହଞ୍ଚି ନଥିଲେ ହରଭଜନ

ୟୁଏଇ ଯିବା ପୂର୍ବରୁ ଚେନ୍ନାଇ ସୁପର କିଙ୍ଗ୍ସ ଦଳ ଚେପୁକରେ ପାଞ୍ଚ ଦିନିଆ ତାଲିମ ଶିବିର କରିଥିଲା । ହରଭଜନ ସିଂ ଏବଂ ଅଲରାଉଣ୍ଡର ରବିନ୍ଦ୍ର ଜାଡେଜା ସେଠାରେ ପହଞ୍ଚି ନଥିଲେ । ଜାଡେଜା ଦଳ ସହ ୟୁଏଇରେ ପହଞ୍ଚିଥିବାବେଳେ ହରଭଜନ ସିଂ ଭାରତରେ ଥିଲେ । ସୂଚନା ଅନୁଯାୟୀ, ବ୍ୟକ୍ତିଗତ କାରଣ ଦର୍ଶାଇ ଚଳିତ ବର୍ଷ ହରଭଜନ ଆଇପିଏଲ ନ ଖେଳିବାକୁ ନିଷ୍ପତ୍ତି ନେଇଛନ୍ତି ।

ଦଳର ଷ୍ଟାର ବୋଲର ହେଉଛନ୍ତି ହରଭଜନ ସିଂ

CSK ରେ ଉଭୟ ରୈନା ଏବଂ ହରଭଜନଙ୍କ ଅନୁପସ୍ଥିତି ଦଳର ସମସ୍ୟା ବଢ଼ାଇବ । ସୁରେଶ ରୈନା ଦଳର ନିୟମିତ ନମ୍ବର ତିନି ବ୍ୟାଟ୍ସମ୍ୟାନ୍ ଏବଂ ତାଙ୍କୁ ମିଷ୍ଟର ଆଇପିଏଲ୍ କୁହାଯାଏ। ଏଥି ସହିତ ହରଭଜନ ସିଂ ଦଳର ଅନ୍ୟତମ ତାରକା ଖେଳାଳି ଅଟନ୍ତି । ଗତ ସିଜନରେ ଭଜ୍ଜି ୧୬ ୱିକେଟ୍ ନେଇଥିଲେ ଏବଂ ପରପଲ୍ କ୍ୟାପ୍ ରେସରେ ସାମିଲ ହୋଇଥିଲେ । ଆଇପିଏଲ୍ ଇତିହାସରେ ସର୍ବାଧିକ ୱିକେଟ୍ ନେଇ ଭଜ୍ଜି ତୃତୀୟ ସ୍ଥାନରେ ଅଛନ୍ତି। ଏଥର ୟୁଏଇର ତିନୋଟି ଭିନ୍ନ ସ୍ଥାନରେ ଏକ ଖାଲି ଷ୍ଟାଡିୟମରେ ଆଇପିଏଲ୍ ଖେଳାଯିବ। ସେପ୍ଟେମ୍ବର ୧୯ ରୁ ନଭେମ୍ବର ୧୦ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ଟି -୨୦ ଲିଗରେ ସଂକ୍ରମଣକୁ ରୋକିବା ପାଇଁ ଅନେକ ସତର୍କତା ଅବଲମ୍ବନ କରାଯାଉଛି।

ଏଥିପାଇଁ ସମସ୍ତ ଦଳ ୟୁଏଇରେ ପହଞ୍ଚି କଡା ସୁରକ୍ଷା ଭିତରେ ବିଭିନ୍ନ ସ୍ଥାନରେ ତାଲିମ ଆରମ୍ଭ କରିଛନ୍ତି। ତେବେ ଚେନ୍ନାଇ ସୁପର କିଙ୍ଗ୍ସ ଅନୁମୋଦନକୁ ଅପେକ୍ଷା କରିଛି । ଦଳର ୧୩ ଜଣ ସଦସ୍ୟ କରୋନା ପଜିଟିଭ୍ ବୋଲି ଜଣାପଡିଥିଲା ​​ଯାହା ପରେ ସମଗ୍ର ଦଳକୁ କ୍ୱାରେଣ୍ଟିନ କରାଯାଇଥିଲା |

Leave a Reply

Your email address will not be published. Required fields are marked *

Close Bitnami banner